امەريكالىق DNA كومپانياسى DeepGestalt باعدارلاماسىن جاساپ شىعاردى. ول جۇيە «تەرەڭ وقىتۋ» الگوريتمىن پايدالانا وتىرىپ, فوتو ارقىلى گەنەتيكالىق اۋرۋلاردى انىقتاي الادى. FDNA-نىڭ بۇل زەرتتەۋى Nature Medicine جۋرنالىندا جاريالاندى. بۇل تۋرالى BBC حابارلادى.
جاساندى ينتەللەكت ادامنىڭ سۋرەتى ارقىلى دياگنوز قويۋ ءۇشىن 17 مىڭعا جۋىق گەنەتيكالىق اۋرۋلارى بار ادامنىڭ سۋرەتىن قاراستىردى.
تەستىلەۋ كەزەڭىندە Deep Gestalt جۇيەسى بىرنەشە رەت دارىگەرلەردەن اسىپ ءتۇستى.
الايدا بۇل تەست سول ادامنىڭ كەلىسىمىنسىز جاسالىپ, قۇقىعىنىڭ بۇزىلۋىنا الىپ كەلۋى مۇمكىن. سوندىقتان DeepGestalt جۇيەسىن تەك مەديتسينالىق مەكەمەلەردىڭ ەمدەلۋشىلەرى ءۇشىن عانا قولجەتىمدى ەتۋ جوسپارلانۋدا.