وتكەن جىلى ەلباسىنىڭ بەس الەۋمەتتىك باستاماسى اياسىندا م. قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتى جانىنان جوعارى مەديتسينا مەكتەبى اشىلىپ, العاشقى تۇلەكتەردى قابىلداعان بولاتىن.
سقمۋ-ءنىڭ پرورەكتورى ەربول يساقاەۆتىڭ ايتۋىنشا, مۇندا مەديتسينا ينتەرندەرى مەن باكالاۆرلار دايىندالىپ, وڭىردە جوعارى ءبىلىمدى ماماندارعا دەگەن تاپشىلىقتى ازايتۋعا مۇمكىندىك تۋدىرىلادى. بۇگىنگى كۇنى 185 ستۋدەنت ءبىلىم السا, ولاردىڭ 74-ءى تەگىن وقيدى. ماتەريالدىق-تەحنيكالىق بازانى نىعايتۋ ماقساتىمەن بيىل 148 ميلليون تەڭگە قاراستىرىلىپ وتىر.
«ستۋدەنتتەر قاتارىنا ينديا مەن گرۋزيانىڭ دا تالاپتى جاستارى تارتىلعان. ءبىلىم ساپاسىن حالىقارالىق تالاپتارعا سايكەستەندىرۋ ءۇشىن اقش-تان, قىتايدان, ليتۆادان, پولشادان 8 وقىتۋشى ارنايى شاقىرتىلدى. بولاشاق دارىگەرلەر وندىرىستىك تاجىريبەدەن ءوتۋ ءۇشىن جەرگىلىكتى كلينيكالىق مەكەمەرلەرمەن كەلىسىم-شارت جاسالدى», دەيدى جوعارى مەديتسينا مەكتەبىنىڭ ديرەكتورى اسەت ىزدەنوۆ.
ءومىر ەسقالي.
«ەگەمەن قازاقستان».
سولتۇستىك قازاقستان وبلىسى.