اقتوبە وبلىسىنىڭ اكىمدىگى 2018 جىلدىڭ جەلتوقسان ايى ىشىندەگى تۇڭعىش پرەزيدەنت, تاۋەلسىزدىك كۇنى مەرەكەلەرىنە بايلانىستى جانە جىل قورىتىندىسىنا وراي قىزمەتكەرلەر مەن جۇمىسشىلارعا سىياقى تولەۋ جونىندە باستاما كوتەرگەن بولاتىن. بۇل شاقىرۋعا وبلىستاعى ۇلكەندى-كىشىلى كاسىپورىندار جەتەكشىلەرى ناقتى ىسپەن جاۋاپ بەردى.
مەرەيلى شارانى تولىق اتقارۋ ءۇشىن وبلىستىق ەكونوميكا جانە بيۋدجەتتى جوسپارلاۋ باسقارماسى وڭىردەگى ورتا جانە ءىرى كاسىپورىنداردىڭ قارجىلىق جاعدايى مەن سىياقى بەرۋ مۇمكىندىگىنە ءتيىستى تالداۋ جۇرگىزدى. سونىڭ ناتيجەسىندە 176 كاسىپورىنداعى 40 مىڭعا جۋىق قىزمەتكەر قوماقتى سىياقىعا قول جەتكىزدى. ءبىر قىزمەتكەرگە شاققاندا ونىڭ ورتاشا مولشەرى 85 مىڭ تەڭگەنى قۇرادى. سىياقىنىڭ جالپى مولشەرى 3,1 ميلليارد تەڭگەدەن اسىپ ءتۇستى.
وسى ورايدا ءوز قىزمەتكەرلەرىنە سىياقى تولەۋ ىسىندە مۇددەلىلىك كورسەتكەن ءارى ءداستۇرلى ون ءۇشىنشى جالاقىنى بەرۋدە تاباندىلىق تانىتقانداردىڭ قاتارىندا «كازحروم تۇق» اق», «ەسنپس – اقتوبە مۇناي-گاز», «كمك مۇناي», «قازاقويل» جشس, «ساعىز پەترولەۋم», «امانمۇناي», «حرومتاۋ وپەرەيتينگ» سەكىلدى ىرگەلى كاسىپورىندار بار.
سونداي-اق وسى ۋاقىت ارالىعىندا تۇرمىسى تومەن كوپ بالالى وتباسىلاردىڭ ۇل-قىزدارى جانە اتا-انانىڭ قامقورلىعىنسىز قالعان بالالار دا نازاردان تىس قالعان جوق. بۇل ورايدا جۇرگىزىلگەن قايىرىمدىلىق قاعيداتتارى 20 مىڭعا جۋىق جەتكىنشەكتى قامتىدى. سونىمەن بىرگە ايرىقشا قامقورلىق پەن ءبىلىم بەرۋدى قاجەت ەتەتىن 3626 وقۋشى «بالالارعا قۋانىش سىيلا» اكتسياسىنا تارتىلدى. سوعان سايكەس ولارعا ارنايى سىيلىقتار بەرىلدى.
تەمىر قۇسايىن,
«ەگەمەن قازاقستان»
اقتوبە