مەملەكەت باسشىسى نۇرسۇلتان نازارباەۆ الماتى قالاسىنىڭ اكىمى احمەتجان ەسىموۆتى قابىلدادى.
ا.ەسىموۆ مەملەكەت باسشىسىن الماتىنىڭ الەۋمەتتىك-ەكونوميكالىق دامۋى مەن “جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا مۇمكىندىكتەرى” اتتى پرەزيدەنتتىڭ قازاقستان حالقىنا جولداۋىنان تۋىندايتىن ءمىندەتتەردى ىسكە اسىرۋ جونىندەگى جوسپارلارى تۋرالى حاباردار ەتتى.
كەزدەسۋ كەزىندە قىسقى ءVىى ازيا ويىندارىنا دايىندىق جۇمىستارىنىڭ بارىسى تۋرالى ءسوز بولدى.
* * *
پرەزيدەنت نۇرسۇلتان نازارباەۆ اقمولا وبلىسىنىڭ اكىمى البەرت راۋدى قابىلدادى.
ا.راۋ پرەزيدەنتتى 2009 جىلعى وبلىستىڭ الەۋمەتتىك-ەكونوميكالىق دامۋ قورىتىندىلارى مەن الداعى كەزەڭگە ارنالعان مىندەتتەر تۋرالى حاباردار ەتتى.
اڭگىمەلەسۋ بارىسىندا سونداي-اق استانانىڭ توڭىرەگىندە ازىق-ت ۇلىك بەلدەۋىن قۇرۋ جانە ششۋچە-بۋراباي كۋرورتتىق ايماعىن دامىتۋ جونىندەگى پرەزيدەنت تاپسىرمالارىنىڭ ورىندالۋ بارىسى تۋرالى ءسوز بولدى.
– ەكى جىلدان كەيىن ءبىز نەگىزگى ازىق-ت ۇلىك ونىمدەرىنە دەگەن ەلوردا جانە وبلىس تۇرعىندارىنىڭ سۇرانىسىن تولىق قاناعاتتاندىرا الاتىن بولامىز. ششۋچە-بۋراباي كۋرورتتىق ايماعىن دامىتۋ اياسىندا بيىلعى جىلى كوكشەتاۋ قالاسىنىڭ اۋەجايىن قايتا قۇرىلىمداۋ, ششۋچە-بۋراباي كۋرورتتىق ايماعىندا كولىكتىك جانە تابيعات قورعاۋ ينفراقۇرىلىمدارىن جاڭعىرتۋ جۇمىستارى باستالادى. پرەزيدەنت بۋراباي اۋدانىندا ارنايى ەكونوميكالىق ايماقتى دامىتۋ تۋرالى ناقتى تاپسىرما بەردى, – دەدى كەزدەسۋدەن كەيىن ا.راۋ.
* * *
مەملەكەت باسشىسى نۇرسۇلتان نازارباەۆ وڭتۇستىك قازاقستان وبلىسىنىڭ اكىمى اسقار مىرزاحمەتوۆتى قابىلدادى.
ا.مىرزاحمەتوۆ پرەزيدەنتتى 2009 جىلعى وبلىستىڭ الەۋمەتتىك-ەكونوميكالىق دامۋ قورىتىندىلارى مەن “جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا مۇمكىندىكتەرى” اتتى پرەزيدەنتتىڭ قازاقستان حالقىنا جولداۋىندا العا قويىلعان مىندەتتەرگە سايكەس ءوڭىردى دامىتۋ جوسپارلارىنان حاباردار ەتتى.
مەملەكەت باسشىسى ءوندىرىستى دامىتۋ جانە جاڭا جۇمىس ورىندارىن اشۋ جونىندە ناقتى تاپسىرمالار بەردى. بۇل – حالقى تىعىز ورنالاسقان ءبىزدىڭ ءوڭىر ءۇشىن وتە وزەكتى ماسەلە, – دەپ اتاپ ءوتتى جۋرناليستەرگە ارنالعان بريفينگتە وبلىس اكىمى.
قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.