وڭىردە 250 مىڭنان استام ادام تۇراتىن 396 ەلدى مەكەن تازا سۋمەن قامتىلعان.
«بۇل ماقسات ءۇشىن رەسپۋبليكالىق قازىنادان 5,3 ميلليارد تەڭگە جۇمسالدى. اتقارىلعان شارالارعا قاراماستان 286 اۋىل ورتالىقتاندىرىلعان سۋ جۇيەسىنە ءزارۋ. وسى تاپشىلىقتى جويۋ ءۇشىن بيىل 9,4 ميلليارد تەڭگە ءبولىنىپ وتىر» دەيدى ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسىنىڭ ورىنباسارى ازامات ەلەۋسىزوۆ.
بىلتىر 10 اۋدانعا ساپالى تىرشىلىك نارىمەن قامتاماسىز ەتۋ نىساندارى تارتىلسا, ايىرتاۋلىقتار ءۇشىن دە ناتيجەلى بولدى. اتاپ ايتقاندا, اۋدان ورتالىعى ساۋمالكولدىڭ تەڭ جارتىسىنا ورتالىقتاندىرىلعان سۋ جۇيەسى تارتىلدى. جىل سوڭىنا دەيىن اۋىلداعى ۇيلەردىڭ بارلىعىنا تازا اۋىز سۋ كىرگىزىلمەك.
تۇرعىن ءۇي-كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى ءبولىمىنىڭ جەتەكشىسى ماراتبەك شامەنوۆتىڭ ايتۋىنشا, ەگىندىاعاش, قاراتال اۋىلدارىنىڭ تۇرعىندارى دا ساپالى اۋىز سۋعا قول جەتكىزەتىن بولادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى