وتكەن جىل ءۇشىن باعا ازىق-ت ۇلىك تاۋارلارىنا – 5,1%, ازىق-ت ۇلىك ەمەس تاۋارلارىنا – 6,4%, اقىلى قىزمەتتەرگە 4,5%-عا جوعارىلادى. بۇل تۋرالى ستاتيستيكا كوميتەتى حابارلادى.
اعىمداعى جىلدىڭ باسىنان (2018ج. جەلتوقسان 2017ج. جەلتوقسانعا) باعانىڭ ءوسۋى قىرىققاباتقا – 31%, قانتقا – 20,9%, مايەكتى ىرىمشىككە – 11,9%, قۇس ەتىنە – 10,4%, كونسەرۆىلەنگەن سۇتكە – 10,3%, سارى مايعا – 10,1%, جىلقى ەتىنە – 9,6%, جاڭا ساۋىلعان سۇتكە – 7,8%, كۇنباعىس مايىنا – 7,4%, شۇجىق ونىمدەرىنە – 7,2%, قىشقىل ءسۇت ونىمدەرىنە – 7%, ەت ونىمدەرىنە – 6,9%-عا, شوشقا ەتىنە, سيىر ەتىنە – 6,7%-دان, كونديتەرلىك ونىمدەرگە 6,6%-عا بەلگىلەندى. باعانىڭ تومەندەۋى كارتوپقا – 26,7%, قاراقۇمىق جارماسىنا – 21,6%, باستى پيازعا – 18,4%, سابىزگە 16,3%-عا تىركەلدى.
باعا ءوسىمى اۆتوموبيلدەرگە – 8,5%, قۇرىلىس ماتەريالدارىنا – 8,1%-عا, فارماتسەۆتيكالىق ونىمدەرگە, كيىم جانە اياق كيىمگە, تۇرمىستىق اسپاپتارعا – 7,8%-دان, توقىما بۇيىمدارىنا – 7,7%, جەكە قولداناتىن تاۋارلارعا – 6,8%, جۋعىش جانە تازالاعىش قۇرالدارعا – 6,6%, كەڭسە تاۋارلارىنا – 5,9%, جيھاز جانە ۇيگە قاجەتتى زاتتارعا 5,4%-دى قۇرادى. ديزەل وتىنى – 29,6%, باللونداعى سۇيىتىلعان گاز 6%-عا قىمباتتادى, ال بەنزين 2,8%-عا ارزاندادى.
باعا دەڭگەيى كابەلدىك تەلەۆيزيا قىزمەتتەرىنە – 12,1%, دەنساۋلىق ساقتاۋ قىزمەتتەرىنە – 7,1%, شاشتارازدار مەن جەكە قىزمەت كورسەتۋ ورىندارى قىزمەتتەرىنە – 6,1%-عا, قۇقىقتىق, جەكە كولiك قۇرالدارىن ساقتاندىرۋ قىزمەتتەرىنە – 6%-دان, قوعامدىق تاماقتاندىرۋ قىزمەتتەرىنە – 5,8%, مەكتەپكە دەيىنگى بالالار مەكەمەسىنىڭ قىزمەتتەرىنە 5,7%-عا ءوستى. جولاۋشىلاردىڭ اۋە كولىگىمەن جول ءجۇرۋ اقىسى – 16,4%, تەمىر جول كولىگىمەن – 12,2%, قالاارالىق اۆتوبۋس – 7,9%, ىشكى قالالىق اۆتوبۋسپەن 4,9%-عا قىمباتتادى.
تۇرعىن ءۇي-كوممۋنالدىق قىزمەتتەر سالاسىندا تاريفتەر كارىزگە – 3,1%, سۋىق سۋعا – 3%, تاراتۋ جەلىلەرى ارقىلى تاسىمالداناتىن گازعا – 2,7%-عا, ورتالىقتان جىلىتۋعا, تۇرعىن ءۇيدى كۇتىپ ۇستاۋعا – 2,6%-دان, ىستىق سۋعا – 2,2%, ەلەكتر ەنەرگياسىنا 1,1%-عا ءوستى.
ينفلياتسيا دەڭگەيىن سيپاتتايتىن تۇتىنۋ باعاسىنىڭ يندەكسى حالىقتىڭ جەكە تۇتىنۋ ءۇشىن ساتىپ الاتىن تاۋارلارى مەن قىزمەتتەرى باعاسىنىڭ وزگەرۋىن كورسەتەدى. تاۋارلار مەن قىزمەتتەر جيىنتىعىنا 510 پوزيتسيا كىرەدى. باعانى تىركەۋ مەنشىكتىڭ ءتۇرلى نىساندارىنداعى ساۋدا جانە قىزمەت كورسەتۋ سالاسى كاسىپورىندارىنىڭ ىرىكتەمە جۇيەسى بويىنشا بارلىق وبلىس ورتالىقتارىندا, استانادا جانە قالالار مەن اۋدان ورتالىقتارىنىڭ بەلگىلەنگەن شەڭبەرى بويىنشا جۇرگىزىلەدى. بىرىكتىرۋ ءۇشىن پايدالانىلاتىن سالماق جۇيەسى ولاردىڭ شىعىستارى بولىگىندە وتكەن جىلعى ءۇي شارۋاشىلىقتارىن زەرتتەۋ ماتەريالدارى نەگىزىندە ەسەپتەلەدى.
2018 جىلعى قاڭتاردان باستاپ ءتبي–دى ەسەپتەگەندە ازىق–ت ۇلىك تاۋارلارىنىڭ ۇلەسى 37,8%, ازىق–ت ۇلىك ەمەس تاۋارلار – 30,1%, اقىلى قىزمەتتەر – 32,1%–دى قۇرادى.