الماتى جۇرتشىلىعى كورنەكتى مەملەكەت جانە قوعام قايراتكەرى سۇلتان جيەنباەۆتى اقتىق ساپارعا شىعارىپ سالدى. اباي اتىنداعى وپەرا جانە بالەت تەاترىندا جينالعان زيالى قاۋىم وكىلدەرى قايراتكەردىڭ ازاماتتىق تۇلعاسى مەن حالقىنا سىڭىرگەن ەرەن ەڭبەگى جايلى تەبىرەنە ەستەلىك ايتتى.
قارالى جيىندا الماتى قالاسىنىڭ اكىمى باۋىرجان بايبەك مەملەكەت باسشىسىنىڭ جەدەلحاتىن وقىپ, مارقۇمنىڭ تۋىستارىنا شاھار جۇرتشىلىعى اتىنان كوڭىل ايتتى.
سۇلتان جيەنباەۆ 1921 جىلدىڭ 22 شىلدەسىندە الماتى قالاسىندا دۇنيەگە كەلگەن. 1953-1954 جىلدار ارالىعىندا قازاق كسر ساۋدا مينيسترلىگىنىڭ باسقارما باسشىسى, ال 1954-1959 جىلدار ارالىعىندا الماتى قالالىق پارتيا كوميتەتىنىڭ ءبولىم مەڭگەرۋشىسى, 1962-1970 جىلدارى قازاق كسر ساۋدا ءمينيسترى قىزمەتتتەرىن اتقارعان. 1970-1984 جىلدار ارالىعىندا س.جيەنباەۆ مينيسترلەر كەڭەسى توراعاسىنىڭ ورىنباسارى بولدى.
سانالى عۇمىرىندا حالقىنا قالتقىسىز قىزمەت ەتكەن زاڭعار تۇلعا قالاداعى «كەڭساي» زيراتىنا جەرلەندى.
ارمان وكتيابر,
«ەگەمەن قازاقستان»
الماتى