ۆيزا ەلەكتروندى فورماتتا رەسىمدەلەدى

ويتكەنى ۆيزانى ەلەكترون­دى رەسىمدەۋ – كوپ شارۋانى جە­­ڭىل­­دەتۋگە ىقپال ەتەدى. سون­دىق­تان ەلدەگى ۆيزا بەرۋدىڭ قول­دا­نىس­تاعى تارتىبىنە وزگەرىستەر ەنگى­زىلىپ وتىر. ەلەكتروندى ۆيزا ىس­كەرلىك, تۋريستىك جانە ەمدەلۋ ماقساتىندا قازاقستانعا كەلە­تىن شەتەلدىك ازاماتتارعا ىشكى ىستەر مينيسترلىگىنىڭ كوشى-قون قىزمەتى بولىمشەلەرىندە بەل­گى­لەنگەن تارتىپپەن رەسىمدەلىپ, قا­زاقستاندىق تاراپتىڭ شاقىرۋى نەگىزىندە بەرىلەدى. سونىڭ ارقاسىندا زاڭ بۇزۋ­شى­لىق­­تىڭ الدىن الۋ مەن ازايتۋ جۇ­مىس­­تارى جۇيەلى جۇرگىزىلەتىن بولادى.

قولىندا جارامدى ەلەكتروندى ۆيزاسى بار شەتەلدىك قا­زاق­ستان رەسپۋبليكاسىنىڭ اۋ­ماعىنا تەك قانا استانا جانە الماتى قالالارىنداعى حالىق­ارالىق اۋەجايلاردىڭ باقىلاۋ پۋنكتتەرى ارقىلى كىرىپ-شىعا الادى, دەلىنگەن سىرتقى ىستەر مينيسترلىگىنىڭ سايتىندا. 

ناتيجەسىندە تۋريستىك ەلەك­تروندى ۆيزالار 117 ەلدىڭ, ال ىسكەرلىك جانە ەمدەلۋ ۆيزاسى 23 ەلدىڭ ازاماتتارىنا بەرىل­مەك. بۇل وتاندىق دەمالىس ورىن­دارى مەن ەمدىك-ساۋىق­تىرۋ ورتالىقتارى ءۇشىن دە پايدا اكەلۋى ءتيىس. مۇنىڭ ار­قا­سىندا قازاق ەلىنە كەلەتىن شەتەل­دىكتەردىڭ سانى ەسەلەنىپ, تۋريزم سالاسىنا ىقپالى ەتۋى مۇمكىن. 

ەلەكتروندى بۇل قۇجات تەك ۆيزانى الۋشى ءۇشىن عانا جا­رامدى جانە ونىمەن بىرگە جۇ­رەتىن تۇلعالارعا قولدانىلماي­دى. ايتا كەتۋ كەرەك, تولەنگەن كونسۋلدىق الىمدار قايتا­رىل­مايدى. ۆيزا ماسەلەسىن شەشۋ قولايلى ادىستەرمەن شەشىل­گەنىمەن ونى الۋداعى تارتىپتەر قاتاڭ ساقتالاتىنى ءسوزسىز. سول سەبەپتى ۆيزا الۋشىنىڭ ۇسىن­عان پاسپورتى تۇپنۇسقا جانە يە­سىنىكى ەكەندىگىنە كۇمان كەل­تىر­مەيتىندەي بولۋى شارت. سون­داي-اق شەتەلدىك ازاماتتىڭ قۇ­جا­تىندا كەمىندە 2 تازا بەت بولعانى ءجون. ونىڭ جارامدىلىق مەرزىمى ۆيزانىڭ قولدانىلۋ مەرزىمىنەن بۇرىن نەمەسە 3 ايدان بۇرىن اياقتالماۋى كەرەك. وسىنداي تالاپقا ساي شەتەلدىك قانا ەلەكتروندى ۆيزاعا قول جەتكىزبەك.

قابىلداۋشى تۇلعالار كەلىپ كەتۋشىلەر تۋرالى كوشى-قون قىز­مەتى ورگاندارىنا ولار كەلگەن كۇن­نەن باستاپ ءۇش جۇمىس كۇنى ىشىن­دە حابارلاپ وتىراتىن بولادى.

ال ەلەكتروندى ۆيزانى رەسىمدەۋ الگوريتمى مەن ۆيزانى الاتىن ەلدەر ءتىزىمى ءسىم سايتىندا كورسەتىلگەن. 

جانبولات كەنجەعۇل,

«ەگەمەن قازاقستان»