قارا كيىك جىلىنا قادام باسار تۇستا ريددەر قالاسىندا «نۇرلى جەر» باعدارلاماسى اياسىندا 120 وتباسى قونىس تويىن تويلادى.
بيۋدجەتتىك مەكەمەلەردە قىزمەت ىستەيتىن ماماندارعا, الەۋمەتتىك جاعدايى ناشار, كوپبالالى وتباسىلارعا جانە اتا-انا قامقورلىعىنسىز قالعان بالالارعا ارناپ سالىنعان 60 پاتەرلى ەكى تۇرعىن ءۇيدىڭ كىلتتەرىن قالا اكىمىنىڭ ورىنباسارى ەۆگەنيا نۋجنىح پەن «نۇر وتان» پارتياسى ريددەر قالالىق فيليالى توراعاسىنىڭ ورىنباسارى نادەجدا كليموۆا تاپسىردى. «بەس قاباتتى ۇيدە 5 ءۇش بولمەلى, 35 ەكى بولمەلى جانە 20 ءبىر بولمەلى پاتەر بار. بالالار الاڭى, كولىك قوياتىن ورىن دا قاراستىرىلعان», - دەيدى قالالىق قۇرىلىس, قالا قۇرىلىسى جانە ساۋلەت ءبولىمىنىڭ باسشىسى ەلەنا ماسلاكوۆا.
جاستايىنان جەتىمدىك قاسىرەتىن تارتقان ناتاليا اراپوۆا بۇل ءساتتى جەتى جىل كۇتكەنىن ايتادى. اتا-انا قامقورلىعىنسىز قالعان بالالاردى تاربيەلەيتىن مەكتەپ-ينتەرنات تۇلەگى يليا حۋرتين باسپانا كەزەگىنە 1995 جىلى تۇرىپتى. بىرنەشە جىل بۇرىن بەلگىسىز سەبەپتەرمەن كەزەكتەن الىنىپ تا قالىپتى. ءۇش جىل بۇرىن باسپانا كەزەگىنە ءوزىن قايتا قوستىرعان ازامات ء«وز ءۇيى – ولەڭ توسەگىنە» قول جەتكىزگەنىنە قۋانىشتى. ال مەكتەپتە ەڭبەك ەتەتىن دينارا قامزينا 10 جىلدان استام ۋاقىت بالالارىمەن بىرگە پاتەر جالداپ, وزگەنىڭ قاس-قاباعىنا قاراپ كەلىپتى. «پاتەرلى بولدىڭىز دەپ تەلەفون شالعاندا اۋەلدە سەنبەگەنىم راس. قيىندىقتىڭ ءبارى ارتتا قالعانداي» دەيدى ول.
قوس ءۇيدىڭ قۇرىلىسى وسىدان تۋرا ءبىر جىل بۇرىن باستالىپتى. جالپى, 2017 جىلى ريددەردە 9436 شارشى مەتر تۇرعىن ءۇي ەل يگىلىگىنە بەرىلىپتى.
ازامات قاسىم,
«ەگەمەن قازاقستان»
شىعىس قازاقستان وبلىسى,
ريددەر قالاسى