اۋعانستاننىڭ قانداعار پروۆينتسياسىنداعى اسكەري بازادا جارىلىس بولدى. اۋعان پوليتسياسىنىڭ وكىلى اشراف ۆاتاندوستىڭ سوزىنشە, جارىلىس سالدارىنان 5 سارباز ءجانتاسىلىم ەتكەن, دەپ حابارلايدى قازاقپارات انادولى اگەنتتىگىنە سىلتەمە جاساپ.
پوليتسەيدىڭ سوزىنشە, «تاليبان» قوزعالىسىنىڭ جاۋىنگەرلەرى مايۆاند اۋدانىنداعى اسكەري بازانىڭ استىنان قازىلعان توننەلگە جارىلعىش زات قويعان. سالدارىنان 5 سارباز قازا تاۋىپ, التى جاۋىنگەر جاراقات الدى.
ال «تاليبان» قوزعالىسى جارىلىس قۇرباندارى مەن جارالانعاندار سانى 35-كە جەتكەنىن مالىمدەدى.