دانيانىڭ فيۋن ارالىندا ۇلكەن بەلت كوپىرىندەگى تەمىر جول اپاتىنان 6 ادام قازا تاۋىپ, 16 ادام جاراقات العان. بۇل تۋرالى قازاقپارات جەرگىلىكتى پوليتسيانىڭ رەسمي سايتىنا سىلتەمە جاساپ, حابارلايدى.
«فيۋن پوليتسياسى ۇلكەن بەلت كوپىرىندەگى جول اپاتىندا 16 ادام جارالانىپ, 6 ادام قازا بولعانىن حابارلايدى. اپات بۇگىن تاڭعى ساعات 07.30-دا بولعان», - دەلىنگەن حابارلامادا.
وقيعا ورنىندا پوليتسيا مەن قۇتقارۋ قىزمەتى جۇمىس ىستەپ جاتىر. نيۋبورگتە پويىز جولاۋشىلارىنا ارنالعان ەۆاكۋاتسيالىق ورتالىق جاساقتالدى. پويىزدا 131 ادام بولعان.