بيىل ەڭ كوپ دەمالىس كۇندەرى ناۋرىز ايىندا بولادى

قازاقستاندىقتار ەڭ كوپ دەمالاتىن كۇندەر ناۋرىز ايىندا - 14 كۇن, ال جەلتوقساندا 12 كۇن دەمالاتىن بولادى. مامىر مەن قاڭتاردا ەل تۇرعىندارى - 11 كۇن, ماۋسىم مەن تامىزدا - 10 كۇننەن, شىلدە, قىركۇيەك جانە قاراشادا - 9 كۇننەن, اقپان, ءساۋىر جانە قازاندا - 8 كۇننەن دەمالادى.

قر «قازاقستان رەسپۋبليكاسىنداعى مەرەكە كۇندەرى تۋرالى» زاڭىنا سايكەس, قازاقستان رەسپۋبليكاسىندا ۇلتتىق جانە مەملەكەتتىك مەرەكە اتاپ وتىلەتىن كۇندەر ەلدىڭ ەڭبەك زاڭناماسىنا سايكەس مەرەكەلىك كۇندەر بولىپ سانالادى.

ەسكە سالا كەتەيىك, قازاقستان رەسپۋبليكاسىنداعى مەملەكەتتiك مەرەكەلەر مىنا كۇندەرi اتاپ وتiلەدى:

جاڭا جىل - 1-2 قاڭتار;

حالىقارالىق ايەلدەر كۇنi - 8 ناۋرىز;

ناۋرىز مەيرامى - 21-23 ناۋرىز;

قازاقستان حالقىنىڭ بiرلiگi مەرەكەسi - 1 مامىر;

وتان قورعاۋشىلار كۇنى - 7 مامىر;

جەڭiس كۇنi - 9 مامىر;

استانا كۇنى - 6 شىلدە;

قازاقستان رەسپۋبليكاسى كونستيتۋتسيا كۇنى - 30 تامىز;

قازاقستان رەسپۋبليكاسى تۇڭعىش پرەزيدەنتى كۇنى - 1 جەلتوقسان; 

ۇلتتىق مەرەكە: تاۋەلسىزدىك كۇنى - 16-17 جەلتوقسان. 

قازاقستان رەسپۋبليكاسىندا مەرەكە كۇندەرى حالىق دەمالادى. مەرەكە كۇندەرى دەمالىس كۇندەرىنە (سەنبى, جەكسەنبى) تۇسسە, مەرەكەدەن كەيىنگى كۇن جۇمىس كۇنى بولىپ سانالادى. وسىلايشا, 2019 جىلى بەسكۇندىك جۇمىس اپتاسىنداعى دەمالىس كۇندەرى:

23 ناۋرىزدان 25 ناۋرىزعا;

6 شىلدەدەن 8 شىلدەگە;

1 جەلتوقساننان 2 جەلتوقسانعا;

التىكۇندىك جۇمىس اپتاسىندا:

1 جەلتوقساننان 2 جەلتوقسانعا اۋىستىرىلادى.

بۇدان بولەك, مۇسىلمان كۇنتىزبەسى بويىنشا اتاپ وتىلەتىن قۇربان ايت مەرەكەسىنىڭ ءبىرىنشى كۇنى, 7 قاڭتار - پراۆوسلاۆيەلىك روجدەستۆو دەمالىس كۇندەرى بولىپ سانالادى. 2019 جىلى قۇربان ايتتىڭ ءبىرىنشى كۇنى 11 تامىز كۇنى اتاپ وتىلەدى.