2019 جىلى قازاقستانداعى مۇمكىندىگى شەكتەۋلى جاندارعا ەمدەلۋ ءۇشىن شيپاجاي تاڭداۋ قۇقىعى بەرىلەدى.
«تاڭداۋدى ازاماتتىڭ وزىنە بەرۋگە قاتىستى ءتيىستى جاعداي جاساۋ جوسپارلانىپ وتىر. بۇگىندە بۇل ءراسىم مەملەكەتتىك ساتىپ الۋلارعا تيەسىلى, ياعني قانداي شيپاجاي شىقسا, مۇگەدەك جاندار سول شيپاجايعا بارادى. مىسالى, جۇرەك اۋرۋىنا تاپ بولعان مۇمكىندىگى شەكتەۋلى جان قيمىل-تىرەك اپپاراتى بويىنشا شيپاجايعا جىبەرىلۋى مۇمكىن», - دەدى ەڭبەك جانە حالىقتى الەۋمەتتىك قورعاۋ ءمينيسترى ءمادينا ابىلقاسىموۆا.
وسى ورايدا م. ابىلقاسىموۆا الداعى جىلى بۇل باعىتتاعى جۇيە وزگەرەتىنىن اتاپ ءوتتى. «الداعى جىلى تاڭداۋ جاساۋ قۇقىعى باراتىن ادامنىڭ وزىنە بەرىلەدى», - دەپ ناقتىلادى ۆەدومستۆو باسشىسى. ونىڭ سوزىنشە, اتالعان جاڭاشىلدىقتار اياسىندا قىزمەت كورسەتۋ ساپاسى ەداۋىر ارتادى دەپ كۇتىلۋدە. بۇدان بۇرىن حابارلانعانداي, زەينەتكەرلەر مەن مۇگەدەكتەر 2019 جىلدان باستاپ شيپاجايدا ەمدەلۋگە ەلەكتروندى تۇردە جازىلادى.