مەنىڭ اتام كوپەن دادىروۆ سوناۋ الاساپىران زاماندا «حالىق جاۋى» اتانىپ, 1937-1957 جىلدار ارالىعىندا 20 جىل بويى سىبىردە سۋ ىشەرلىگىنىڭ ارقاسىندا ەلگە امان-ساۋ ءتىرى ورالعان ەدى. جازىقسىز جابىلعان «جالاسىن» كراسنويار ولكەسىنىڭ يربەيسك اۋدانىنداعى ستەپانوۆسك لاگەرىندە وتەدى. تار جول, تايعاق كەشۋمەن, ادام بالاسى توزگىسىز ازاپتى كۇندەردى باسىنان وتكەرگەن اتامنىڭ ەستەلىك اڭگىمەسىن كەيىنگى ۇرپاق ساباق السىن دەگەن نيەتپەن گازەتكە بەرىپ وتىرمىن.
مەنىڭ اتام كوپەن دادىروۆ سوناۋ الاساپىران زاماندا «حالىق جاۋى» اتانىپ, 1937-1957 جىلدار ارالىعىندا 20 جىل بويى سىبىردە سۋ ىشەرلىگىنىڭ ارقاسىندا ەلگە امان-ساۋ ءتىرى ورالعان ەدى. جازىقسىز جابىلعان «جالاسىن» كراسنويار ولكەسىنىڭ يربەيسك اۋدانىنداعى ستەپانوۆسك لاگەرىندە وتەدى. تار جول, تايعاق كەشۋمەن, ادام بالاسى توزگىسىز ازاپتى كۇندەردى باسىنان وتكەرگەن اتامنىڭ ەستەلىك اڭگىمەسىن كەيىنگى ۇرپاق ساباق السىن دەگەن نيەتپەن گازەتكە بەرىپ وتىرمىن.
كوپەن دادىروۆتىڭ ەستە-لىگى: «1934 جىلى سەمەيدەن كومۆۋزدى ءبىتىرىپ شورناۋا سەلوسىنداعى پوچتا باسشى-لىعىنا بەكىتىلدىم. شورناۋا اۋىلدىق كەڭەسىنە شىڭعىستاي, بوبروۆكا, سارموڭكە, ماتۆەەۆكا مۇنداعى مەكەندەرگە قاراي-تىن ەدى. كەشىكپەي مۇنداعى اتقامىنەر ازاماتتاردى اتىپ-اسىپ, سىبىرگە ايداۋ باستالدى. سول ناۋبەت مەنىڭ دە باسىما كەلدى. ول كەزدە وچپك-نىڭ ورتالىعى (وسوبايا چينگيستايسكايا پوگرانيچنايا كومەنداتۋرا) ورەل سەلوسىندا ەدى. كومەندانتى فيلاتوۆ, وترياد باستىعى يرونين دەگەن بولاتىن. سول يرونين مەنى كومەن-داتۋرانىڭ استىنداعى سۋ توگىپ, مۇز قىلىپ تاستاعان كارتسەرگە جەتى كۇن قاماپ قينادى. ناگانمەن ۇرىپ جاعىمدى سىندىرىپ, تىستەرىمدى قاۋساتتى. ايتاتىنى, كەڭەس وكىمەتىن قۇلاتپاق بولدىم دەپ حاتتاماعا قول قوي دەيدى. ەسىم كىرەسىلى-شىعاسىلى, بىردە كوزىمدى اشسام, توبەمدە توپىراق كەسەك سالبىراپ تۇر ەكەن, سونى تىرنالاپ ءجۇرىپ ارپاداي اساپ جەدىم دە, قالعانىن قالتاما سالىپ الدىم. جەتى كۇننەن سوڭ پودۆالدىڭ ءبىر بولمەسىنە اكەلىپ تىقتى. ون ەكى ادامبىز. ورتامىزدا جالعىز ورىس اۋپارتكومنىڭ ءبىرىنشى حاتشىسى گەراسيموۆ (قازاقتارعا جاناشىرلىق جاساعانى ءۇشىن ۇستالعان), اۋپارتكومنىڭ ەكىنشى حاتشىسى احمەت تولە-گەنوۆ (بيبىگۇل تولەگەنو-ۆانىڭ اكەسى) بار. قىزمەت بابىمەن بۇل كىسىمەن سان كەزدەس-كەن ەدىم. دومبىراعا قوسى-لىپ ءان دە سالاتىن قوڭىر داۋىستى جايدارى ادام ەدى. قۋ سۇيەگى قالعان, وزدىگىنەن ورنىنان تۇرا المايدى. تاعى ءبىر شىرامىتقانىم – جۇرتباي توقتاعانوۆ دەيتىن توپقايىڭ-نىڭ ازاماتى بولدى.1937 جىلدىڭ 29 جەلتوق-سانىندا تاڭەرتەڭ ءبارىمىزدى تىسقا شىعارىپ, تاۋ ەتەگىنە ايداپ اكەلدى. ور قازىپ قويعان ەكەن, سونىڭ جيەگىنە تۇرعىزىپ قويىپ, ۇكىم وقىدى. حالىق جاۋى رەتىندە ون ەكىمىز تۇگەل اتىلاتىن بولىپپىز. بىرەۋلەر جىلادى, كەيبىرەۋلەر شوكەلەپ وتىرا كەتتى. سولداتتار مىلتىق كەزەنە بەرگەندە پرونين اتپەن شاۋىپ جەتتى دە: «دادىروۆۋ كاتورگا, 8 لەت, وستالنىح راسسترەليات», دەدى. كوزىمدى جۇما قويدىم. گۇرس-گۇرس مىلتىق اتىلدى. كوزىمدى اشسام, ون ءبىر ادام قانجوسا بوپ وردا جاتىر ەكەن. جانىم تۇرشىگىپ كەتتى.احمەت تولەگەنوۆتى الما-تىعا اپارىپ اتىپتى دەگەن ءسوز بار. ونىڭ ءبارى لاقاپ. ونى تاراتقان جازالاۋشى مەكەمە ادامدارى. ارتىنداعى تۋىستارىن اداستىرۋ ءۇشىن حاتتاماعا باسقا ءبىر جەردى جازىپ, ولگەن جەرىن سولاي جاسىرادى. احمەت تولەگەنوۆتىڭ سۇيەگى ورەلدە, كومەنداتۋرانىڭ جاڭادان سالىنعان عيماراتىنىڭ استىندا جاتىر.جوعارىداعى ۇكىمنەن كەيىن مەنى قاتونعا الىپ كەلىپ, تۇرمەگە قامادى. 1938 جىلدىڭ قاڭتار ايىنىڭ باسىندا قاقاعان ايازدا يتجەككەنگە ايداۋ باستالدى. جولداعى توزاق-تى ارتقا تاستاپ, يگاركا وزەنىنىڭ جاعاسىنا دا جەتتىك. ءبىر زونادا بەس باراق, ءار باراقتا 2-3 مىڭ ادام. باراقتىڭ سىرتىن قارمەن كومىپ, سۋمەن قاتىرىپ تاس-تاعان. كەشكە تامان ءار بريگادادان 10-15 كىسى ءبولىنىپ وتىن دايىندايمىز دا سونى باراق-تىڭ ورتاسىنا جاعىپ جىلىنىپ كەپتىرىنەمىز. كۇندە كەشكىسىن تەكسەرۋ جاسالىپ, جارالانعانداردى, اياق-قولى سىنعانداردى الىپ كەتەدى. ولاردى قايدا اكەتەتىنىن دە بىلمەيمىز.جاز دا شىقتى. وزەننىڭ اينالاسى تولعان ولىكتەر. قىس-تايعى الىپ كەتكەن اۋرۋ-سىر-قاۋلاردى لوممەن ۇرىپ ءولتىرىپ ويىققا تاستايدى ەكەن. جاز شىعا كەسىلگەن اعاشتارمەن بىرگە اعىپ كەتەتىن كورىنەدى. مۇنداي سۇمدىقتى دا كوردىك».بۇل اڭگىمە ءتور التايداعى قاتونقاراعاي اۋدانىنىڭ ءور قاراتاي ەلىنىڭ سۇيەگىنە كەڭەستىك توتاليتارلىق جۇيە-ءنىڭ سالىپ كەتكەن قاسىرەت تاڭباسى ىسپەتتەس.تىلەۋباي دادىروۆ,ەستەلىك يەسى, كوپەن دادىروۆتىڭ نەمەرەسى.شىعىس قازاقستان وبلىسى,قاتونقاراعاي اۋدانى,سولداتوۆ اۋىلى.