پرەزيدەنت اكىمشىلىگىنىڭ كەلىسىمىمەن, وبلىس اكىمىنىڭ وكىمىنە سايكەس, ماڭعىستاۋ وبلىسى اكىمىنىڭ ورىنباسارى بولىپ نۇرداۋلەت قيلىباي تاعايىندالدى.
نۇرداۋلەت يگىلىك ۇلى قيلىباي 1978 جىلى ماڭعىستاۋ وبلىسى بەينەۋ اۋدانىندا دۇنيەگە كەلگەن, ءبىلىمى جوعارى, «تاسىمالداۋدى ۇيىمداستىرۋ جونىندەگى ينجەنەر», «قارجى جانە قارجى قۇقىعى» ماماندىقتارى بويىنشا بىتىرگەن. 2018 جىلى اقش بوستون قالاسىندا Stafford House حالىقارالىق مەكتەبىندە ءبىلىم العان.
ەڭبەك جولىن 1999 جىلى ماڭعىستاۋ تاسىمالداۋ بولىمشەسى ستانتسياسىنىڭ كەزەكشىسى قىزمەتىنەن باستاعان. كەيىن استانا ستانتسياسىندا كىرمە جولدارى بويىنشا جۇكتەردى قابىلداپ-تاپسىرۋشى, «قتج» ۇك» اكتسيونەرلىك قوعامىنىنىڭ باس مامانى, ءبولىم باستىعى, ماگيسترالدى جەلىلەر ديرەكتسياسى باسقارۋشىسىنىڭ كومەكشىسى قىزمەتتەرىندە بولدى.
2005 - 2009 جىلدار ارالىعىندا قازاقستان رەسپۋبليكاسى كولىك جانە كوممۋنيكاتسيالار مينيسترلىگىنىڭ كولىك جانە قاتىناس جولدارى كوميتەتىنىڭ ءبولىم باستىعى, باسقارما باستىعى, توراعانىڭ ورىنباسارى.
2009 – 2010 جىلدارى «ۆوكزال-سەرۆيس» اق پرەزيدەنتى, «قتج» ۇك» اق جولاۋشىلاردى تاسىمالداۋ جونىندەگى باسقارۋشى ديرەكتورى بولدى.
2010 – 2011 جىلدارى قازاقستان رەسپۋبليكاسى كولىك جانە كوممۋنيكاتسيالار مينيسترلىگىنىڭ كولىك جانە قاتىناس جولدارى كوميتەتىنىڭ توراعاسى قىزمەتىن اتقاردى.
2011 - 2012 جىلدار ارالىعىندا «قتج» ۇك» اق پرەزيدەنتىنىڭ كەڭەسشىسى, كەيىن وسى اكتسيونەرلىك قوعامنىڭ ماڭعىستاۋ جولدارى بولىمشەسى فيليالىنىڭ ديرەكتورى.
2012 – 2013 جىلدارى قازاقستان رەسپۋبليكاسى كولىك جانە كوممۋنيكاتسيالار مينيسترلىگىنىڭ كولىك جانە قاتىناس جولدارى كوميتەتىنىڭ توراعاسى قىزمەتىندە بولدى.
2013 – 2017 جىلدارى «قتج» ۇك» اق اپپارات باسشىسى - اتقارۋشى ديرەكتورى, «قتج» ۇك» اق اتقارۋشى ديرەكتورى - «جولاۋشىلار تاسىمالداۋ» اق پرەزيدەنتى.
2017 جىلدىڭ قاراشا ايىنان باستاپ قازىرگى ۋاقىتقا دەيىن «تەمىرجولسۋ» اق باس ديرەكتورى – باسقارما توراعاسى قىزمەتىن اتقاردى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى