ماڭعىستاۋ تەمىر جولى: تولاسسىز تاسىمالدار

تەمىرجولدىڭ اشىلعان جىلعى ۇزىن­دىعى 814,4 شاقىرىم بولسا, بۇگىنگى تاڭ­دا بۇل كورسەتكىش 1359,8 شاقىرىمدى قۇ­رايدى, ال ستانسالار مەن بەكەتتەر سانى 35-تەن 60-قا دەيىن ارتتى. بۇل وڭ وز­­گەرىستەر وڭىردەگى جۇمىسپەن قامتۋ ما­سە­لە­سىنە ءوز اسەرىن تيگىزىپ, جالپى تەمىر­جول­ش­ىنىڭ سانى ەكى ەسەگە, ياعني 2800 ادام­نان 5804 ادامعا دەيىن جەتتى. 

ماڭعىستاۋدىڭ گەوگرافيالىق ورنالاسۋى بولىمشەنىڭ ترانزيتتىك جۇكتەردى تاسىمالداۋىنا باسىمدىق بەرەدى. تەمىر­جولدار «وازيس» ستانساسى ارقىلى وزبەك­ستانمەن, «بولاشاق» ستانساسى ارقىلى تۇرىكمەنستانمەن جانە قۇرىق, اقتاۋ حالىقارالىق تەڭىز پورتتارى ارقىلى كاسپي ماڭى ەلدەرىمەن جۇك تاسى­مالىن جۇزەگە اسىرۋدا وراسان مۇم­كىندىك­تەرگە يە. تەمىرجول ارقىلى استىق داقىل­دارى, قۇرىلىس ماتەريالدارى, قيىر­شىقتالعان تاس, حالىق تۇتىناتىن تاۋار­لار مەن مەتالل ونىمدەرى تاسىمالدانادى. 

«قازاقستان تەمىر جولى-جۇك تاسىمالى» اق فيليالى «ماڭعىستاۋ جۇك تاسى­مالى» بولىمشەسىنىڭ ديرەكتورى ن.گۋ­با­شوۆتىڭ ايتۋىنشا, 2018 جىلدىڭ 10 ايى بويىنشا جۇك تاسىمالىنىڭ كورسەتكىشى 63478 ۆاگون 3989, 4 مىڭ توننا, ياعني وت­كەن جىلمەن سالىستىرعاندا 751,0 مى­ڭ­عا ارتىپ, ورىندالۋى 123,2%-دى قۇرادى. 

ماڭعىستاۋ وبلىسى بويىنشا الەۋ­مەت­تىك جاعىنان ماڭىزدى سانالاتىن جۇكتەر – بيداي, تاس كومىر تيەلمەسە دە, ونى تاسىمالداۋ جۇمىستارى جۇزە­گە اسىرىلادى. اقتاۋ تەڭىز ساۋدا پورتى ارقىلى يرانعا ارپا, بولاشاق شەك­ارالىق تەمىرجول ستانساسى ارقىلى تۇ­رىك­­مەنستان, اۋعانستان جانە يران ەل­دەرى­نە استىق, بيداي, ۇن جانە ماكارون ونىم­دەرى تاسىمالدانادى. 

حالىقارالىق كولىك ءدالىزىنىڭ ماڭىز­دى بولىگى سانالاتىن, اقتاۋ تەڭىز ساۋ­دا پورتى ارقىلى تاسىمالداناتىن جۇك كولەمىن 19 ملن تونناعا دەيىن ارت­­تىرۋ ماقساتىندا سالىنعان استىق تەر­مي­نالدارىنىڭ قۇرىلىسى, قۇرعاق جۇك­تەر­دى ساقتايتىن جانە پورتتىڭ ينفرا­قۇرىلىمدىق نىساندارىنىڭ سولتۇستىك تەرمينال قۇرىلىسى پايدالانۋعا بەرىل­گەننەن كەيىن تەڭىز ارقىلى تاسىمال­دا­­نا­تىن جۇك كولەمى جىلدان-جىلعا ۇ­ل­­­عا­­­يىپ, مولشەرى ارتتى. سونداي-اق «اقبيداي» جانە «سولتۇستىك» بيداي تەر­­­­­مي­­ن­الدارى ارقىلى 2017 جىلدىڭ 10 ايى­­­­نىڭ قورىتىندىسى بويىنشا 153 كە­مە­گە 632 توننا بيداي تيەلسە, وسى جىل­دىڭ 10 ايىنىڭ كورسەتكىشى بويىنشا 343 كەمەگە 1 ملن 332 مىڭ توننا بيداي تيەل­دى. وسىلايشا تاسىمالداۋ كولەمى 2 ەسەگە ۇلعايىپ, 210% كورسەتكىشتى قۇرا­عان. ال قۇرىق تەڭىز پورتى ارقىلى 2017 جىلى 1 ملن 427 مىڭ توننا جۇك وت­كى­زىلسە, بيىل 2018 جىلدىڭ 10 ايى بو­يىن­شا 1 ملن 455 مىڭ توننا جۇك تاسىمالداندى.

– الەۋمەتتىك جاعىنان ماڭىزدى سانالاتىن «نۇرلى جول» باعدارلاماسى اياسىندا جۇزەگە اسىرىلعان «بەينەۋ-اقجىگىت-وزبەكستان شەكاراسى» تاس جولى­نىڭ قۇرىلىسىنا شەتپە ستانساسىنان 2017 جىلدىڭ 10 ايىندا 9609 ۆاگون نەمەسە 657166 مىڭ توننا قيىر­شىقتال­عان تاس تيەلگەن بولسا, ول كورسەتكىش 2018 جىلدىڭ 10 ايىندا 27156 اشىق ۆاگون, نەمەسە 1 ملن 851,335 مىڭ تونناعا, ياعني 141,9%-عا ارتىپ وتىر, – دەدى ن.گۋباشوۆ. 

«نۇرلى جول» جانە يندۋستريالىق-يننو­ۆاتسيالىق مەملەكەتتىك باعدار­لا­مالاردىڭ ىسكە اسىرىلۋى بارىسىندا حالىقارالىق ماڭىزى بار ءىرى جوبالار «بەينەۋ-سەكسەۋىل», «وزەن-بولاشاق», «بورجاقتى-ەرساي-قۇرىق» جاڭا تەمىر­جول جەلىلەرى ىسكە قوسىلدى. اتالعان با­عىت­تار بويىنشا كونتەينەرلەرمەن بيداي, حالىق تۇتىناتىن تاۋارلار, كومباين­دار, كونتەينەرلىك پويىزدار, استىق داقىلدارى, مۇناي جانە وزگە دە جۇك تاسىمالى جۇزەگە اسىرىلادى.  سالاداعى جاڭاشىل ىستەردىڭ ءبىرى – ءمۋلتيمودالدى كولىكتىك ۇدەمەلى دامۋ ماقساتىندا ترانزيتتىك جانە ىشكى ساۋدا جۇكتەرىن تارتۋ مەن ينتەگراتسيالىق لوگيستيكالىق ونىمدەردى دامىتۋ اياسىندا قۇرىلعان ترانسكاسپي حالىقارالىق كولىك مارشرۋتى بويىنشا 2017 جىلدا جۇك تاسىمالىنىڭ كولەمى 2 ملن توننا جۇكتى قۇرادى جانە 102 مىڭ كونتەينەر تاسىمالدانعان بولاتىن, 2018 جىلى تاسىمالداناتىن جۇك كولەمىن 4 ملن تونناعا دەيىن ارتتىرۋ كوزدەلىپ وتىر. 

ماڭعىستاۋ تەمىر جولى بولىمشە­سىن­دەگى تاعى ءبىر جاڭالىق – كەلەسى جىلى «ماڭعىشىلاق-اقتوبە» جانە «ماڭ­­عى­شى­لاق-الماتى» باعىتىنداعى جولاۋ­­شى­لار پويىزدارىنىڭ ۆاگوندارى جاڭار­تىلماق. بۇل جونىندە «قازاقستان تەمىر جولى» كوم­پانياسى مەن كولىك جانە كوم­مۋنيكاتسيا­لار مينيسترلىگى اراسىن­دا كەلىسىم جاسالعان. قازىرگى تاڭدا ۋكراي­نا­دا جاسالعان جاڭا ۆاگوندار 2019 جىل­دىڭ جاز ايىنا دەيىن قولدانىسقا بەرىلەدى دەپ جوسپارلانعان.  ماڭعىستاۋ تەمىر جولدارى تاسىمال جانە قارىم-قاتىناس ءۇشىن ءتيىمدى كولىك جولى رەتىندە ءوز جاڭعىرۋىن جالعاستىرا بەرەتىن بولادى. 

گۇلايىم شىنتەمىرقىزى,

«ەگەمەن قازاقستان»

ماڭعىستاۋ وبلىسى