ورال قالاسىندا بيىل سۋ جاڭا 35 اۆتوبۋس قوعامدىق جولاۋشى تاسىمالى قىزمەتىنە قوسىلدى. «ۋرالتەحسەرۆيس» جشس №20 مارشرۋت جۇيەسىندەگى 15 كولىكتى «ۆەكتور» ماركىلى اۆتوبۋستارمەن اۋىستىردى.
تۇڭعىش پرەزيدەنت اتىنداعى الاڭنان باستاۋ العان زاماناۋي اۆتوبۋستاردىڭ العاشقى باعىتىنا وبلىس əكىمى التاي كولگىنوۆ پەن ورال قالاسىنىڭ əكىمى مۇرات مۇقاەۆ اق جول تىلەدى. سالونىنا 70 ادامعا دەيىن سىياتىن جاڭا اۆتوبۋستاردىڭ ءىشى-سىرتىن تولىق باقىلاۋ ءۇشىن ءتورت بەينەكامەرا ورناتىلعان. بۇل قاۋىپسىزدىككە ءارى ءتارتىپ ساقتالۋىنا قولايلى.
جالپى ورال قالاسىندا جولاۋشى تاسىمالىمەن 6 مەكەمە اينالىسادى. قالا ىشىندە 455 اۆتوبۋس قىزمەت كورسەتەدى. ەكى جىل بۇرىن قوعامدىق كولىكتىڭ 40%-ى شاعىن اۆتوبۋس بولاتىن. سول 130 «گازەل»-ءدىڭ بۇگىندە 50-ءى عانا قالدى. اۆتوبۋس پاركى جىل سايىن جاڭارتىلىپ, سىيىمدىلىعى جوعارى ءارى جولاۋشىعا جايلى كولىكتەرمەن الماستىرىلۋدا. جاڭا كولىكتەر ەكىنشى دەڭگەيلى بانكتەردىڭ نەسيەسى ارقىلى الىنعان.
– ورال قالاسىنداعى قوعامدىق كولىكتەردى جاڭارتۋ جۇمىستارى مۇنىمەن توقتامايدى. 2019 جىلى «برك-ليزينگ» كومپانياسى ارقىلى «Daewoo» ماركالى 135 جاڭا اۆتوبۋس الۋدى جوسپارلاپ وتىرمىز. جالپى 2020 جىلعا دەيىن اۆتوبۋس پاركى تولىق جاڭارتىلادى, – دەيدى قالا اكىمى مۇرات مۇقاەۆ.
ءوڭىر باسشىلىعى جاڭا كولىكتەردىڭ «Smart سity» باعدارلاماسىنا ساي كەلۋىن دە ەسكەرگەن. 28 قالالىق مارشرۋت بويىنشا بارلىق كولىكتە GPS قۇرىلعىسى ورناتىلعان. «InfoBus» قوسىمشاسى ارقىلى مارشرۋتتار قوزعالىسىن 73 مىڭ قولدانۋشى ونلاين باقىلاي الادى. «تسيفرلى قازاقستان» باعدارلاماسى اياسىندا سەگىز باعىتتاعى اۆتوبۋستار جولاقىنى كولىك كارتالارى ارقىلى قابىلداي الادى. سونداي-اق جەتى باعىتتا جولاقىنى «SMSBUS» جۇيەسىمەن تولەۋگە مۇمكىندىك بار. جىل سوڭىنا دەيىن بارلىق مارشرۋت ەلەكتروندى بيلەتپەن قامتاماسىز ەتىلەدى», دەيدى قالا اكىمى مۇرات راحمەت ۇلى.
قازبەك قۇتتىمۇرات ۇلى,
«ەگەمەن قازاقستان»