ەلباسى نۇرسۇلتان نازارباەۆتىڭ « ۇلى دالانىڭ جەتى قىرى» ماقالاسىندا: ء«بىزدىڭ مادەنيەتىمىزدىڭ نەگىزگى سيۋجەتتەرىندە, كەيىپكەرلەرى مەن سارىندارىندا شەكارا بولمايدى, سول سەبەپتى ونى جۇيەلى زەرتتەپ, بۇكىل ورتالىق ەۋرازيا كەڭىستىگى مەن بارشا الەمدە دارىپتەۋگە ءتيىسپىز» دەگەن قاعيداتى قازاقستاندىق قوعام ءۇشىن بۇگىندە ۇلكەن مانگە يە بولىپ وتىر. وسى ورايدا, قازاقستان رەسپۋبليكاسى مادەنيەت جانە سپورت مينيسترلىگىنىڭ قولداۋىمەن تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ شىعارماشىلىق ۇجىمى ەۋروپانىڭ پولشا, چەحيا جانە ۆەنگريا رەسپۋبليكالارىنا ارنايى ساپارعا شىقتى.
پولشانىڭ فريدەريك شوپەن اتىنداعى اۋەجايدا دومبىرا, قوبىز جانە جەتىگەن ءبىر ۋاقىتتا كۇي وينادى. جولاۋشىلار ەرەكشە اۋەندى ەستىپ, قويىلىمدى كورۋ ءۇشىن كوپتەپ جينالدى. كورەرمەندەر قازاقتىڭ قاسيەتتى كۇيلەرىنە ەرەكشە ءتانتى بولىپ, قول شاپالاقتاپ, قىزىقتى قويىلىم ءۇشىن ريزاشىلىعىن ءبىلدىردى. وسى ءسات اكادەميا ستۋدەنتتەرىنىڭ مىڭ بۇرالعان اسەم بيلەرى كورەرمەندەر قوشەمەتىنە يە بولدى. اۋەجايداعى ەستەن كەتپەس كونتسەرتتى جۇرگەنوۆ اتىنداعى ۇلتتىق ونەر اكادەمياسىنىڭ مۋزىكانتتارى قويدى. بۇل ولاردىڭ قازاقستاننىڭ تۇڭعىش پرەزيدەنتى كۇنىنە وراي شەتەلدىكتەرگە جاساعان توسىنسىيى بولدى.
پولياك كورەرمەنى حاننا: «ماعان مۋزىكا مەن بي وتە قاتتى ۇنادى. ءسىزدىڭ ەلدىڭ مادەنيەتى مەن مۋزىكاسى ادەمى. قازاقستاندا بولعان ەمەسپىن. بىراق ونداي مۇمكىندىك تۋىپ جاتسا, قۋانا-قۋانا بارامىن» دەپ جىلى لەبىزىن ءبىلدىردى.
سونداي-اق, «الاتاۋ» فولكلورلىق ءانسامبلى ۆارشاۆاداعى قازاقستان ەلشىلىگىنىڭ ۇيىمداستىرۋىمەن بولعان سالتاناتتى جيىندا حالقىمىزدىڭ اندەرى مەن كۇيلەرىن ورىنداۋمەن قاتار, ەۋروپا ەلدەرىنىڭ كلاسسيكالىق شىعارمالارىن ورىندادى. مەرەكەلىك-مادەني كوش ۆارشاۆا ساپارىنان كەيىن 3-ءشى جەلتوقسان كۇنى پراگا قالاسىندا جالعاسىپ, ارتىنشا 5 جەلتوقسان كۇنى بۋداپەشتتە ءوز مارەسىنە جەتەدى.