ءدۇبىر
وليمپياداعا 155 كۇن قالدى
لوندوندا وتەتىن ححح وليمپيادا جولداماسىنان قىزىلجارلىق سپورتشىلاردىڭ ەنشىسىنە ناقتى بۇيىرعانى ازىرگە بىرەۋ عانا. ونى ۇزىندىققا ءۇش مارتە سەكىرۋدەن حالىقارالىق دارەجەدەگى سپورت شەبەرى يرينا ەكتوۆا بىلتىر الماتىدا وتكەن جەڭىلاتلەتشىلەردىڭ ءۇشىنشى جازعى سپارتاكياداسىندا جەڭىپ الدى (ول بەرتىنگە دەيىن ليتۆينەنكو دەگەن قىز كەزىندەگى تەگىمەن تانىمال بولىپ كەلگەن – ءو.ە.). ءبىر قىزىعى, وسى ايتۋلى جارىستا ەۆگەني ەكتوۆ التىن مەدالدى قانجىعاعا وڭگەرگەنىنە قاراماستان, جولدامادان تىس قالدى. ونىڭ سەبەبىن حالىقارالىق دارەجەدەگى سپورت شەبەرى, ۇزىندىققا ءۇش مارتە سەكىرۋدەن سيدنەي, پەكين وليمپيادالارىنا قاتىسۋشى ەلەنا پارفەنوۆا ءتۇسىندىرىپ بەردى.
ءدۇبىر
وليمپياداعا 155 كۇن قالدى
لوندوندا وتەتىن ححح وليمپيادا جولداماسىنان قىزىلجارلىق سپورتشىلاردىڭ ەنشىسىنە ناقتى بۇيىرعانى ازىرگە بىرەۋ عانا. ونى ۇزىندىققا ءۇش مارتە سەكىرۋدەن حالىقارالىق دارەجەدەگى سپورت شەبەرى يرينا ەكتوۆا بىلتىر الماتىدا وتكەن جەڭىلاتلەتشىلەردىڭ ءۇشىنشى جازعى سپارتاكياداسىندا جەڭىپ الدى (ول بەرتىنگە دەيىن ليتۆينەنكو دەگەن قىز كەزىندەگى تەگىمەن تانىمال بولىپ كەلگەن – ءو.ە.). ءبىر قىزىعى, وسى ايتۋلى جارىستا ەۆگەني ەكتوۆ التىن مەدالدى قانجىعاعا وڭگەرگەنىنە قاراماستان, جولدامادان تىس قالدى. ونىڭ سەبەبىن حالىقارالىق دارەجەدەگى سپورت شەبەرى, ۇزىندىققا ءۇش مارتە سەكىرۋدەن سيدنەي, پەكين وليمپيادالارىنا قاتىسۋشى ەلەنا پارفەنوۆا ءتۇسىندىرىپ بەردى.
– وليمپيادا جولداماسىن ساراپقا سالاتىن جەڭىل اتلەتشىلەردەن بەلگىلى حالىقارالىق نورماتيۆتەردى ورىنداۋ تالاپ ەتىلەدى. اتاپ ايتساق, «ا» ليتسەنزياسىن ۇتۋ ءۇشىن قىزدار كەمى 14 مەتر 30 سانتيمەتردى, «ۆ» ليتسەنزياسىن يەلەنۋ ءۇشىن 14 مەتردى باعىندىرۋ كەرەك. جىگىتتەر ءۇشىن 17 مەتر 10 سانتيمەتر جانە 16 مەتر 90 سانتيمەتر بولىپ بەلگىلەنگەن. الاتاۋ باۋرايىندا يرينا 2-ءشى ورىن السا دا 14 مەتر 48 سانتيمەترگە قارعىپ, «ا» ليتسەنزياسىن قورجىنعا سالدى. ەۆگەني 16 مەتر 88 سانتيمەترگە عانا سەكىردى. ال كۇزدە كۇنشىعىس ەلىندە ۇيىمداستىرىلعان ازيا بىرىنشىلىگىندە 16 مەتر 91 سانتيمەتردى كورسەتىپ, «ب» ليتسەنزياسىن ەنشىلەدى, – دەدى ول.
ءسوز اراسىندا ەۆگەنيدەن باسقا جەرلەستەرىمىز مارگاريتا ماتسكو /800 مەتر/ مەن ۆلاديسلاۆ پولياكوۆ ء/جۇزۋ/ «ۆ» ليتسەنزياسىن يەلەنگەنىن ايتا كەتكەن ءجون. الدا ءالى وليمپيادا جولداماسى تالاسقا تۇسەتىن نەبىر بايراقتى باسەكەلەر تۇرعانىن ەسكەرسەك, ليتسەنزيالار سانىنىڭ وسە تۇسەرىنە كۇمانىمىز جوق. ول ءۇشىن ايانباي تەر توگۋلەرىنە تۋرا كەلەرى انىق. بۇل ساناتقا بوكسشىمىز داريعا شاكىموۆا مەن بالۋانىمىز رومان مەلەشيندى دە قوسۋعا بولادى.
ەرلى-زايىپتى الەكساندر نيكولاەۆيچ پەن نينا ۆيكتوروۆنا ەكتوۆتاردىڭ ەسىمدەرى قىزىلجار جۇرتشىلىعىنا جاقسى تانىس. كاسىپقوي سپورتشىلار كوپ جىل بويى سپورتتىڭ قىسقا قاشىقتىققا جۇگىرۋ تۇرىمەن اينالىسىپ, بىرنەشە مارتە وبلىستىڭ, ەلىمىزدىڭ جەڭىمپازى اتانعان. ەندى, مىنە, شيرەك عاسىرعا جۋىق «سپورت پاديشاسى» سانالاتىن جەڭىل اتلەتيكانىڭ جاس تولقىنىن ءتاربيەلەۋمەن اينالىسىپ كەلەدى. تاجىريبەلى باپكەرلەر وزدەرىنىڭ ءتول مەكتەبىن قالىپتاستىرىپ, قانات قاققان شاكىرتتەرى دودالى باسەكەلەردە ولجا سالىپ ءجۇر.
سولاردىڭ ءبىرى – بالاسى ەۆگەني مەن كەلىنى يرينا. مەكتەپتە وقىپ جۇرگەن قارشاداي قىزدىڭ سپورتقا بەيىمىن العاش بايقاپ, قامقورلىعىنا العان ا.ەكتوۆتىڭ ءوزى بولاتىن. جەكە جاتتىقتىرۋشىسى رەتىندە ۇزىندىققا ءۇش مارتە سەكىرۋدىڭ قىر-سىرىنا تالماي ءۇيرەتتى. يرينا سپورتقا كەشتەۋ كەلسە دە, تىنباي ەڭبەكتەنۋدىڭ ارقاسىندا قىسقا مەرزىمدە تالاي بەلەستەردى باعىندىردى. 2007 جىلى ماكاودا وتكەن ازيا ويىندارىندا جەڭىستىڭ ەڭ بيىك تۇعىرىنا كوتەرىلدى. 2008 جىلى پەكيندەگى جازعى وليمپيا ويىندارىنا قاتىسۋ باقىتىنا يە بولدى. تاجىريبەنىڭ ازدىعىنان جەڭىلىس تاپسا دا, كوپ نارسە ۇيرەنىپ قايتتى.
وسىدان ەكى جىل بۇرىن ەۆگەني مەن يرينانىڭ كوڭىلدەرى جاراسىپ, شاڭىراق قۇردى. ءدۇنيەگە يانا ەسىمدى قىزدارى كەلىپ, يرينا سپورتتان قول ۇزىڭكىرەپ قالدى. الايدا, بالا كۇتۋ دەمالىسىنان كەيىن ءۇلكەن ارەناعا قايتا ورالدى. ۇزبەي جاتتىعىپ, ابدەن بابى كەلىسكەن سوڭ, بايراقتى باسەكەلەردە قايتادان جارقىراپ كورىنە باستادى. لوندوندا باعى جانىپ, ەلىمىزدىڭ ءانۇرانى شىرقالىپ جاتسا, تاڭدانۋدىڭ ەش رەتى جوق. نامىستى قىز تۇماندى البيون ەلىنە قاتىسۋشى ەمەس, جۇلدە ولجالايتىن باسەكەلەس رەتىندە بارعىسى كەلەتىنىن ەش جاسىرمايدى.
«ۆ» ليتسەنزياسىنا ەۆگەنيدىڭ كوڭىلى كونشىر ەمەس. جولداماعا جول اشاتىن گران پري /بانكگوك/, ع.قوسانوۆ /الماتى/, تاتيانا كولپاكوۆا اتىنداعى /بىشكەك/, قازاقستان چەمپيوناتى سەكىلدى ليتسەنزيالى جارىستاردا توپ جارۋدى باستى ماقسات ەتكەن سىڭايلى. بۇگىندە ولار وقۋ-جاتتىعۋ دايىندىقتارىن تايلاندتا قىزۋ باستاپ كەتكەن. جەكە باپكەرلەرى – جەڭىل اتلەتيكادان وبلىستىڭ اعا جاتتىقتىرۋشى قىزمەتىن اتقاراتىن ا.ەكتوۆ.
نينا ۆيكتوروۆنانىڭ كوڭىلى الاڭ. نەمەرەسى يانانى اجەلىك مەيىرىممەن ايالاپ-تولعانىپ, ەكتوۆتار اۋلەتىنىڭ تىلەۋشىسى بولىپ وتىر. ول دا جاتتىقتىرۋشىلىقپەن شۇعىلدانادى. وبلىستىق جوعارى سپورتتىق شەبەرلىكتى جەتىلدىرۋ مەكتەبىنىڭ تاجىريبەلى باپكەرى رەتىندە بولاشاق وليمپيادا ءىزباسارلارىن ءتاربيەلەپ كەلەدى. ونىڭ ەۆگەني كليۋەۆ, الەكسەي ماششەنتسەۆ, سۆەتلانا زاگورودنەۆا سەكىلدى بالعىن شاكىرتتەرى شەت ەلدەردە ولجا سالا باستادى. قىزى ەكاتەرينا اپكەسىنىڭ جولىن قۋعان. ۇزىندىققا ءۇش مارتە سەكىرۋدەن ەلىمىزدىڭ بىرنەشە دۇركىن جەڭىمپازى اتانىپ, كانادا مەن يتاليادا وتكەن الەم چەمپيوناتتارىنا قاتىسىپ قايتتى.
قىزىلجار وڭىرىندە جەڭىل اتلەتيكانىڭ دامۋىنا وسىلايشا زور ۇلەس قوسىپ كەلە جاتقان ەكتوۆتاردىڭ قوس شاكىرتىنىڭ بابى مەن باعى كەلىسىپ, ەلىمىزدىڭ ابىرويىن اسقاقتاتسا, شىركىن, دەگەن ارمانىمىزدىڭ اقيقاتقا اينالۋىن تىلەيىك.
ءومىر ەسقالي,
سولتۇستىك قازاقستان وبلىسى.