جامبىل وبلىسى سارىسۋ اۋدانىندا تۋعان حالىق كومپوزيتورلارى مەن قازىرگى زامان سازگەرلەرىنىڭ شىعارمالارى, وسى وڭىردە كوپ ورىندالاتىن حالىق اندەرى مەن ەسىمى ەلگە تانىس ءانشى, كۇيشىلەردىڭ شىعارمالارى سەگىز ديسكىگە توپتاستىرىلىپ, ونەرسۇيەر قاۋىمنىڭ يگىلىگىنە ۇسىنىلىپ وتىر.
بەسىگىن ءان تەربەگەن قاراتاۋ – ساۋساعىنان ساز توگىلگەن داۋلەسكەر كۇيشىلەردىڭ دە مەكەنى. قارت قاراتاۋدىڭ قويناۋى قورقىتتان قالعان سارىندى جاڭعىرتىپ, ىقىلاستاي ۇلى كۇيشىمەن حالقىنىڭ قۇلاعىن كلاسسيكالىق قوبىز كۇيلەرىنە قاندىرعان جەر. سوندىقتان ءى ديسكى داۋلەسكەر كۇيشى ىقىلاس دۇكەن ۇلىنىڭ كۇيلەرىنە ارنالىپ, راديوحابارلار بەرىلدى.
قارا دومبىراسىمەن ەل تاريحىن شەجىرەدەي سارناتقان سۇگىر كۇيلەرىنەن باستاۋ الىپ, ءداستۇردىڭ جالعاسى ىسپەتتى كۇيلەردىڭ تاڭداۋلى نۇسقالارى سارىسۋلىق كۇيشىلەردىڭ ورىنداۋلارىندا «سارىسۋ كۇيشىلەرى» دەگەن اتاۋمەن ءIى ديسكىگە ەندى. جانە مۇندا سارىسۋلىق كۇيشىلەردىڭ شىعارماشىلىق پورترەتىن اشاتىن راديوحابارلار دا بەرىلدى.
سارىسۋدان شىققان كومپوزيتورلار مەن انشىلەر ەسىمى بۇل كۇندە التى الاشقا ءمالىم. وسى ورايدا, وسى وڭىردەن شىققان, قازاق ونەرىندە قايتالانباس قولتاڭبا قالدىرعان كومپوزيتورلار يليا جاقانوۆ پەن تىنىشباي راحىم اندەرى III, IV ديسكىلەرگە توپتاستىرىلىپ, ءبىرتۋار انشىلەر: امانگەلدى سەمبين مەن ساۋلە جانپەيىسوۆانىڭ ورىنداۋىنداعى شىعارمالار V-VI ديسكىلەرگە جيناقتالعان. ال «سارىسۋ كومپوزيتورلارى مەن انشىلەرى» اتتى ءVىى-ءVىىى ديسكىلەرگە اتالعان ءوڭىردىڭ تالانتتى ونەرپازدارىنىڭ شىعارمالارى ەنگىزىلدى.
سەگىز ديسكىدەن تۇراتىن سد جيناق – اسىل قازىنامىزعا جاناشىرلىق تانىتىپ, جارىققا شىعارۋعا دەمەۋشىلىك جاساعان بەلگىلى مەتسەنات, كاسىپكەر جەڭىس توعىزاقباەۆ. جوبا كەڭەسشىسى – جازۋشى, كومپوزيتور, ونەر زەرتتەۋشىسى, قازاقستاننىڭ جانە قىرعىزستاننىڭ ەڭبەك سىڭىرگەن مادەنيەت قىزمەتكەرى يليا جاقانوۆ. جوبا پروديۋسەرى, يدەيا اۆتورى قازاقستان پرەزيدەنتى سىيلىعىنىڭ لاۋرەاتى, مەملەكەتتىك «دارىن» جاستار سىيلىعىنىڭ يەگەرى بولاتبەك تولەپبەرگەن.
«ەگەمەن-اقپارات»