پرەمەر-ءمينيستردىڭ بىرىنشى ورىنباسارى اسقار مامين قاراعاندى وبلىسىنا جۇمىس ساپارى بارىسىندا «كومپانيالاردىڭ الەۋمەتتىك-ەڭبەك ساياساتى: تاجىريبە جانە دامۋ پەرسپەكتيۆالارى» تاقىرىبىنداعى وڭىرارالىق سەمينار-كەڭەسكە قاتىستى, دەپ حابارلايدى primeminister.kz.
كەڭەسكە وبلىس اكىمى ە. قوشانوۆ, ينۆەستيتسيالار جانە دامۋ ءمينيسترى ج. قاسىمبەك, ەڭبەك جانە حالىقتى الەۋمەتتىك قورعاۋ ءمينيسترى م. ابىلقاسىموۆا قاتىسىپ, ءسوز سويلەدى. سونىمەن قاتار 100-دەن اسا وتاندىق كاسىپورىنداردىڭ, كاسىپوداقتار فەدەراتسياسىنىڭ, «اتامەكەن» ۇكپ باسشىلارى, قاراعاندى, شىعىس قازاقستان, پاۆلودار, قوستاناي, اقمولا, سولتۇستىك قازاقستان وبلىستارىنىڭ جانە استانا قالاسى بويىنشا الەۋمەتتىك ارىپتەستىككە جەتەكشىلىك ەتەتىن وبلىس اكىمدەرىنىڭ ورىنباسارلارى قاتىستى.
كەڭەستە ونەركاسىپتىك كەشەندەگى قازاقستاندىق كومپانيالاردىڭ الەۋمەتتىك-ەڭبەك ساياساتىنا جاڭا تاسىلدەردى ازىرلەۋدىڭ وزەكتىلىگى اتاپ ءوتىلدى.
«ونەركاسىپ سەكتورىندا ەڭبەك ونىمدىلىگىنىڭ ءوسۋى جۇمىس كۇشىنىڭ ءال-اۋقاتى مەن بىلىكتىلىگىن ايقىندايتىن فاكتورلارعا بايلانىستى», — دەگەن ا. مامين «بۇل ەڭ الدىمەن, جۇمىسكەرلەردىڭ الەۋمەتتىك سەزىمدەرى, ادام كاپيتالىنىڭ جيناقتالۋى — بيىل مەملەكەت باسشىسى جولداۋىندا اتاپ وتكەن نەگىزگى ەلەمەنتتەر», دەپ ناقتىلادى.
مەملەكەت باسشىسىنىڭ قازاقستان حالقىنا جولداۋىنىڭ اياسىندا 2019 جىلدىڭ قاڭتارىنان باستاپ ەڭ تومەنگى جالاقى كولەمى 1,5 ەسەگە كوتەرىلەدى. ERG, «قازمىرىش» جشس, قازمينەرالز, «ارسەلور ميتتال تەمىرتاۋ» اق ءتارىزدى جانە باسقا دا كومپانيالار ءوز جۇمىسكەرلەرىنىڭ جالاقىسىن كوتەرۋگە نيەتتى.
قر ءبىرىنشى ۆيتسە-پرەمەرى اتاپ وتكەندەي, ۇكىمەت ەڭبەك داۋلارىنىڭ الدىن الۋ ساپاسىن كوتەرۋ بويىنشا شارالار قابىلداپ جاتىر. جۇمىسكەر, جۇمىس بەرۋشى مەن مەملەكەت اراسىنداعى ديالوگ ساپاسىن جانە قولجەتىمدىلىگىن ارتتىرۋ بويىنشا ءىس-شارالار قابىلدانۋدا.
«جۇمىسكەرلەردىڭ ەڭبەك اقىسىن ۋاقىتىندا الۋ قۇقىعىن قورعاۋ كۇشيەتىلەتىن بولادى. جۇمىس ورىندارىندا ەڭبەك قاۋىپسىزدىگىن ارتتىرۋ بويىنشا شارالدار قابىلداندى», — دەدى ا. مامين.
كەڭەستە ءسوز سويلەگەن ءىرى تكم كومپانيالارىنىڭ باسشىلارى «الەۋمەتتىك جاۋاپكەرشىلىكتى بيزنەستە تابىسقا قول جەتكىزۋدىڭ باستى ءتاسىلى, بارلىق باسىمدىقتاردىڭ نەگىزى دەپ سانايتىندارىن» اتاپ ءوتتى.
ء«بىزدىڭ كاسىپورىندارىمىزدىڭ الەۋمەتتىك باعىتتىلىعى سان قىرلى, ول ادامداردىڭ ءومىر ساپاسىن جاقسارتۋعا باعىتتالعان», — دەدى «قازمىرىش» جشس تۇراقتى دامۋ جونىندەگى باسقارۋشى ديرەكتورى اندرەي لازارەۆ.
وڭىرلەردە قالا ءتۇزۋشى كاسىپورىندار سپورت نىساندارىن, بالاباقشالار سالۋ, مەديتسينالىق مەكەمەلەرگە كۇردەلى جوندەۋ جۇرگىزۋ, ولاردى زاماناۋي دالدىگى جوعارى جابدىقتارمەن جاراقتاۋ ءتارىزدى الەۋمەتتىك جوبالاردى ىسكە اسىرىپ جاتىر. بالالار ۇيلەرىنە, كوپبالالى وتباسىلارعا, قارت كىسىلەرگە جانە مۇمكىندىگى شەكتەۋلى ادامدارعا قولداۋ كورسەتىلەدى. ال جاڭا تەحنولوگيالاردىڭ قارىشتاپ دامۋى جانە ءومىردىڭ بارلىق سالالارىن تسيفرلاندىرۋ ەڭبەك نارىعى جانە جۇمىسپەن قامتۋ قۇرىلىمىنا تىكەلەي ىقپالىن تيگىزەدى. وسىعان بايلانىستى ەڭبەك رەسۋرستارىن جاڭا ەكونوميكا قاجەتتىلىكتەرىنە بەيىمدەۋ تەتىكتەرى ەنگىزىلەتىن بولادى. ەڭبەك رەسۋرستارىنىڭ اعىمىن باسقارۋ بويىنشا شارالار ازىرلەنىپ جاتىر.
ا. مامين اتاپ وتكەندەي, بۇل ماقساتتارعا قول جەتكىزۋ ءۇشىن «ۇكىمەت رەسپۋبليكالىق كاسىپوداقتار بىرلەستىگىمەن جانە ۇلتتىق كاسىپكەرلەر پالاتاسىمەن بىرلەسىپ 2018–2020 جج. ارنالعان الەۋمەتتىك ارىپتەستىك جونىندەگى باس كەلىسىمدى ازىرلەدى».
قازىرگى كەزدە جەرگىلىكتى اتقارۋشى ورگاندار كاسىپورىندارمەن كومپانيالار جۇمىسكەرلەرىنىڭ اعىمىن باسقارۋ بويىنشا 700-گە جۋىق جول كارتاسىن جاسادى. قىسقارتىلاتىن جۇمىسكەرلەردى قايتا دايارلاۋ جانە ولاردىڭ ودان ءارى جۇمىسقا ورنالاسۋىنا قولداۋ كورسەتۋ ءۇشىن بىرلەسىپ ينۆەستيتسيالار سالۋ قاراستىرىلۋدا.
كەڭەس بارىسىندا وعان قاتىسۋشىلار ەڭبەك قاتىناستارىن رەتتەۋ شارالارىنا, كورپوراتيۆتىك الەۋمەتتىك جاۋاپكەرشىلىكتى دامىتۋ ماسەلەلەرىنە, كاسىپوداقتاردىڭ جۇمىس بەرۋشىلەرمەن ۇجىمدىق-كەلىسىمشارت قاتىناستارىنا قاتىسۋىنا باسا كوڭىل اۋداردى. سونىمەن قاتار تاۋ-كەن مەتاللۋرگياسى سالاسىنداعى سالالىق كوميسسيانىڭ جۇمىسى, ERG, «قازاقمىس» جشس, «قتج» ۇك» اق, «قازمىرىش» جشس الەۋمەتتىك جاۋاپكەرشىلىك تاجىريبەسى, «ارسەلور ميتتال تەمىرتاۋ» اق الەۋمەتتىك تۇراقتىلىقتى قامتاماسىز ەتۋ بويىنشا قابىلدانىپ جاتقان شارالار قارالدى.