ەلباسى نۇرسۇلتان نازارباەۆ تەمىر جول اۆتوماتيكاسى, تەلەمەحانيكا, بايلانىس, قاۋىپسىزدىك جۇيەسى قۇرىلعىلارىن جانە مۇناي-گاز قۇرال-جابدىقتارىن شىعاراتىن س.كيروۆ اتىنداعى زاۋىتىندا بولىپ, تسەحتاردى ارالاپ كوردى.
وبلىس اكىمى ق.اقساقالوۆتىڭ وڭىردەگى الەۋمەتتىك-ەكونوميكالىق احۋالدىڭ دامۋى, يندۋستريالىق جوبالاردىڭ ىسكە اسىرىلۋى جانە جولداۋ تاپسىرمالارىنىڭ ورىندالۋى جونىندەگى ەسەبىن تىڭدالدى.
مەملەكەت باسشىسى قازاقستان مەن رەسەي اراسىنداعى وڭىرارالىق ىنتىماقتاستىق فورۋمىنا دايارلىق شەڭبەرىندە ايماقتى دامىتۋ باعدارلاماسىنىڭ ءتيىمدى ىسكە اسىرىلىپ جاتقانىن اتاپ ءوتتى. پەتروپاۆل قالاسىن كوركەيتۋ ماقساتىمەن كوپ جۇمىستار اتقارىلدى. وبلىستىڭ ەكونوميكالىق كورسەتكىشتەرى قالىپتى. ءوسىم قارقىنى رەسپۋبليكا بويىنشا ورتاشا كورسەتكىشتەن جوعارى, دەدى ەلباسى.
سونىمەن قاتار, مەملەكەت باسشىسى وبلىستىڭ اگرارلىق الەۋەتىنە توقتالىپ, اۋىل شارۋاشىلىعى سالاسىن دامىتۋ قاجەتتىگىن ايتتى. ەلىمىزدەگى اۋىل شارۋاشىلىعى ونىمدەرىن وڭدەۋ ءىسى كوڭىل كونشىتەرلىكتەي ەمەس. مەن اۋىل شارۋاشىلىعىنداعى ەڭبەك ونىمدىلىگىن ەكى ەسە كوتەرۋ جونىندە مىندەت قويدىم. بۇل سىزدەردىڭ وبلىستارىڭىزعا تىكەلەي قاتىستى. قايتا وڭدەۋ مەن ەكسپورتتى ىلگەرىلەتۋ ارقىلى عانا ونىمدىلىكتى ارتتىرۋعا بولادى. سىزدەر ءۇشىن جاڭا تۇتىنۋ نارىقتارى اشىلادى, دەدى قازاقستان پرەزيدەنتى.
ەلباسى تۇرعىن ءۇي جانە ينفراقۇرىلىم نىساندارىن سالۋ, الەۋمەتتىك باعدارلامالاردى ىسكە اسىرۋ جۇمىستارىنىڭ ناتيجەلەرىنە دە توقتالدى. 2018 جىلى ءوڭىردىڭ 6 مىڭنان استام تۇرعىنى باسپانامەن قامتاماسىز ەتىلىپ, 150 مىڭنان استام جۇمىسشىنىڭ جالاقىسى كوتەرىلەدى. وڭىرلىك ماڭىزى بار جولدار جوندەۋدەن وتكىزىلەدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى