ۇلتتىق ەكونوميكا ۆيتسە-ءمينيسترى سەرىك جۇمانعاريننىڭ توراعالىعىمەن تابيعي مونوپوليالاردى رەتتەۋ, باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىندە كوميتەت پەن ونىڭ اۋماقتىق بولىمشەلەرى باسشىلارىنىڭ قاتىسۋىمەن كەڭەس وتكىزىلدى, دەپ حابارلايدى ۇلتتىق ەكونونميكا مينيسترلىگىنىڭ ءباسپاسوز قىزمەتى.
بۇل كەڭەس مەملەكەت باسشىسىنىڭ اعىمداعى جىلعى 7 قاراشادا قاۋىپسىزدىك كەڭەسىنىڭ وتىرىسىندا بەرگەن تاپسىرمالارىن ورىنداۋدىڭ اياسىندا, سونداي-اق قازاقستان رەسپۋبليكاسى باس پروكۋراتۋراسىنىڭ كوممۋنالدىق قىزمەتتەرگە تاريف بەلگىلەۋ سالاسىنداعى تەكسەرىسىنىڭ قورىتىندىسى بويىنشا وتكىزىلدى.
ۆيتسە-مينيستر مەملەكەت باسشىسىنىڭ كوممۋنالدىق قۇىزمەتتەرگە تاريف بەلگىلەۋ سالاسىنداعى باقىلاۋدىڭ جوقتىعىنا قاتىستى كوميتەتتىڭ اتىنا ايتقان ءادىل سىنى بۇل سالاداعى ۋاكىلەتتى ورگاننىڭ تاراپىنان باقىلاۋدىڭ ايتارلىقتاي ناشارلاۋىنىڭ سالدارى ەكەندىگىن اتاپ ءوتتى.
كەڭەستە قۇقىق بۇزۋشىلىقتاردىڭ پايدا بولۋىنا ىقپال ەتكەن سەبەپتەر مەن جاعدايلار قارالىپ, قازاقستان رەسپۋبليكاسى باس پروكۋراتۋراسىنىڭ ۇيعارىمى بويىنشا كوميتەتتىڭ بارلىق اۋماقتىق بولىمشە باسشىلارىنىڭ ەسەبى تىڭدالدى.
پروكۋراتۋرا ورگاندارىنىڭ بارلىق ۇيعارىمىن ورىنداۋ, انىقتالعان فاكتىلەر بويىنشا تۇرعىندار ءۇشىن نەگىزگى كوممۋنالدىق قىزمەتتەرگە وتەمدىك تاريفتەردى ۋاقتىلى ەنگىزۋ مەن تاريفتەردى ازايتۋدى قامتاماسىز ەتۋ, سونداي-اق بۇل تۋرالى حالىقتى ۋاقتىلى حاباردار ەتۋ تاپسىرىلدى.
حالىقپەن كەرى بايلانىستى قامتاماسىز ەتۋ ماقساتىندا اعىمداعى جىلعى 12 قاراشادان باستاپ, «نۇر وتان» پارتياسىمەن, «اتامەكەن» ۇكپ-مەن, ۇەۇ, تابيعي مونوپوليالار سۋبەكتىلەرىمەن جانە قوعامدىق ماڭىزدى بازارلارمەن بىرگە وبلىس جانە اۋدان ورتالىقتارىندا, سونداي-اق وبلىستىق جانە اۋداندىق ماڭىزداعى قالالاردا قوعامدىق قابىلداۋدى ۇيىمداستىرۋ تاپسىرىلدى.
ولاردىڭ قورتىندىسى بويىنشا, بارلىق ۇسىنىستار مەن شاعىمداردى جۇيەلەندىرۋ جانە قاجەت بولعان جاعدايدا, تابيعي مونوپوليالار سۋبەكتىلەرىنە جوسپاردان تىس تەكسەرۋلەر جۇرگىزۋ قامتاماسىز ەتىلەدى.
پروكۋراتۋرا ورگاندارىنىڭ ۇيعارىمدارىندا كورسەتىلگەن كاسىپورىندارعا باق وكىلدەرىنىڭ, كوپشىلىكتىڭ قاتىسۋىمەن پروكۋراتۋرا ورگاندارىنىڭ ۇيعارىمىندا كورسەتىلگەن فاكتىلەر بويىنشا باسشىلاردىڭ ەسەبىن ۇيىمداستىرۋ ءۇشىن ءباسپاسوز تۋرلارىن وتكىزۋ قاجەت.
كوميتەت باسشىلىعىنا اعىمداعى جىلعى 12 قاراشاعا دەيىنگى مەرزىمدە كوميتەتتىڭ ورتالىق اپپاراتى مەن اۋماقتىق بولىمشەلەرىنىڭ لاۋازىمدى تۇلعالارىنىڭ جاۋاپكەرشىلىگى بويىنشا ناقتى ۇسىنىستار بەرۋ تاپسىرىلدى.
ۆيتسە-مينيستر كوميتەت پەن ونىڭ اۋماقتىق ورگاندارى باسشىلارىنىڭ نازارىن مەملەكەت باسشىسىنىڭ جۇمىستاعى باسىم باعىت – قازاقستان ازاماتتارىنىڭ ءال-اۋقاتىنىڭ ءوسۋى بولۋى ءتيىس دەگەن تاپسىرماسىن بۇلجىتپاي ورىنداۋعا تاعى ءبىر مارتە اۋداردى.