پەتروپاۆل قالاسىندا قازاقستان مەن رەسەيدىڭ «قازاقستان مەن رەسەيدەگى ءتۋريزمدى دامىتۋدىڭ جاڭا تاسىلدەرى مەن تەندەنتسيالارى» XV حالىقارالىق ىنتىماقتاستىق فورۋمى باستالدى. اۋقىمدى شارانىڭ جۇمىسى ەكى ەلدىڭ قىرىقتان اسا جəدىگەرى قويىلعان تۋريستىك كورمەمەن اشىلدى.
اۋقىمدى شاراعا اقتوبەلىك كومپانيالار دا قاتىسۋدا. ولار ءۇشىن كورمە جوعارى ساپالى ءارى بəسەكەگە قابىلەتتى ءونىمدى تانىستىرۋدىڭ جاقسى الاڭى بولماق, سونىمەن قاتار كورشى ەلدىڭ ىسكەرلىك قۇرىلىمىنىڭ وكىلدەرىمەن بايلانىستى جولعا قويۋعا مۇمكىندىك بەرەدى.
وبلىستىق كəسىپكەرلىك باسقارماسىنىڭ باسشىسى انار دارجانوۆانىڭ سوزىنشە ء«زارۋ» بۇعى مۇيىزىمەن ەمدەۋ شيپاجايىنىڭ پاۆيلونى كەلۋشىلەردىڭ ۇلكەن قىزىعۋشىلىعىن تۋعىزدى.
ەسكە سالايىق, بۇعى مۇيىزىمەن ەمدەيتىن زاماناۋي شيپاجاي وڭىردە 2018 جىلى پايدالانۋعا بەرىلگەن بولاتىن. قۇنى 450 ملن تەڭگە تۇراتىن ءىرى جوبا اقتوبە وبلىسىنىڭ ءتۋريزمىن دامىتۋعا جəنە جەرگىلىكتى تۇرعىنداردى ساۋىقتىرۋعا وڭ əسەرىن تيگىزەرى ءسوزسىز. شيپاجايدىڭ جانىندا ءوزىنىڭ مارال وسىرەتىن فەرماسى بار. قۇنى 500 ملن تەڭگە تۇراتىن جوبانى جۇزەگە اسىرۋدىڭ ەكىنشى كەزەڭى 2019-2020 جىلدارعا جوسپارلانعان.
فورۋم قاتىسۋشىلارى سونداي-اق, «ۆانيل» كونديتەرىنىڭ تəتتىلەرىنەن دە دəم تاتا الدى. ايتا كەتەيىك, رەسەيدە, اتاپ ايتقاندا ورىنبور وبلىسىندا «يركينالينوۆا» جك ءونىمى ۇلكەن سۇرانىسقا يە: 2016 جىلى شىلدە ايىندا زəۋرەش يركينالينوۆا وسىندا دۇكەندەر جەلىسىن اشقان. وندىرىلەتىن ءونىمنىڭ 200-دەن اسا اتاۋى بار. اقتوبەلىك برەند جۋىردا قىتاي نارىعىندا پايدا بولادى. كاسىپكەر فورۋمعا قاتىسسا ساۋدا گەوگرافياسىنىڭ ايتارلىقتاي كەڭەيەتىنىنە سەنىمدى.
رەسەيلىكتەردى سونداي-اق, «ەكوستيل كز» جشس-ءنىڭ كəدەسىي پاۆيلونى دا قىزىقتىرماي قويمادى. قازىرگى تاڭدا كəسىپورىن اعاش وڭدەۋدىڭ لازەرلىك تەحنولوگياسىن قولدانا وتىرا ۇلتتىق بۇيىمداردىڭ 500-دەن استام ءتۇرىن شىعارادى.
تەمىر قۇسايىن,
«ەگەمەن قازاقستان»