قازاقستاننىڭ سىرتقى ىستەر ءمينيسترى قايرات ءابدىراحمانوۆ قىرعىز رەسپۋبليكاسىنىڭ سىرتقى ىستەر ءمينيسترى شىڭعىس ايداربەكوۆپەن تەلەفون ارقىلى سويلەسۋ بارىسىندا ونى جوعارى لاۋازىمعا تاعايىندالۋىمەن جىلى قۇتتىقتاپ, استاناعا ساپارمەن كەلىپ كەتۋگە شاقىردى.
ەكى ەلدىڭ سىرتقى ساياسي ۆەدومستۆولارىنىڭ باسشىلارى ەكىجاقتى ىنتىماقتاستىقتىڭ جاي-كۇيى مەن پەرسپەكتيۆالارىن تالقىلاپ, وڭىرلىك جانە حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماستى.
مينيسترلەر مەملەكەت باسشىلارى ن. نازارباەۆ پەن س. جەەنبەكوۆتىڭ كەزدەسۋلەرى بارىسىندا قول جەتكىزگەن ۋاعدالاستىقتاردىڭ ورىندالۋىن تىعىز ۇيلەستىرەتىن بولادى.