الماتى وبلىسىنىڭ تىلدەردى دامىتۋ جونىندەگى باسقارماسىنىڭ ۇيىمداستىرۋىمەن ء«تىل – رۋحاني جاڭعىرۋ تەتىگى» اتتى رەسپۋبليكالىق پىكىرسايىس ءتۋرنيرى ءوتتى.
ءبىلىم مەن ءتىل ۇستارتۋ ونەرىنە قۇشتار ۇل-قىزدىڭ باسىن قوسقان دەباتتا مەملەكەتتىك ءتىلدىڭ قولدانىس اياسىن كەڭەيتۋ ماقساتىندا ءتۇرلى تاقىرىپ اياسىندا تاپسىرمالار بەرىلدى. ەكى كۇنگە سوزىلعان تۋرنيردە قاتىسۋشىلار BPF جانە APF فورماتىندا, ياعني اعىلشىن پارلامەنتى مەن امەريكا پارلامەنتى ۇلگىسىندە پىكىر سايىستىرىپ, اقتىق كەزەڭ ءۇشىن جارىستى. ناتيجەسىندە 20 كوماندانىڭ ىشىنەن سۋىرىلىپ شىققان ۇزدىك توپتار كوپشىلىك الدىندا تولعامدى تۇجىرىمدارىن دالەلدەپ, ەرەكشە كوزگە ءتۇستى.
قىزىقتى وتكەن ء«تىل – رۋحاني جاڭعىرۋ تەتىگى» ءتۋرنيرىنىڭ باس جۇلدەسى مەن ارنايى كۋبوك استانا كەلگەن «اسپاننان ۇلكەن» كومانداسىنا بۇيىرسا, ءبىرىنشى ورىن تارازدىق توپقا بەرىلدى. ال مۇنان كەيىنگى جۇلدەلى ورىندارعا شىمكەنتتىك «الەمگە تانىمال مىرزالار» توبى مەن الماتىلىق «ينتيسار» كومانداسى لايىقتى بولدى. جۇلدەگەرلەردىڭ بارلىعىنا قوماقتى قاراجات تابىستالدى.
- حالقىمىزدىڭ «بىلەكتى ءبىردى, ءبىلىمدى مىڭدى جىعادى» دەگەن ۇلاعاتتى ءسوزى ءبىلىمنىڭ باعا جەتپەس ۇلكەن رۋحاني قارۋ ەكەندىگىن, سونىمەن قاتار اسا زور وندىرگىش كۇش ەكەنىن كورسەتەدى. ال, قازاق شeشeندiك ءسوزدeرi — باستاy الار قاينار بۇلاقتارىن تۇركiلiك تانىمنان ءتۇپتeن تارتىپ, وزiندiك ۇلتتىق eرeكشeلiكتeردi, قاسيeتتeردi بويىنا جيناقتاپ, كوركeمدiك قyاتىمeن, عيبراتتىق سارىنىمeن دارالانعان, سونداي-اق, اسا باي پوەتيكالىق تiلiمeن وزگeشe قالىپتا كورiنگeن, حالقىمىزدىڭ رyحاني ازىعىنا اينالعان كوركeمدiك قۇبىلىس. سوندىقتان دا بابا مۇراسى – ۇرپاققا ۇلاعات, كەيىنگىگە امانات, كەلەر كۇنمەن بىرگە جاسايتىن رۋحاني اسىل قازىنا. بۇگىنگى كۇننىڭ پىكىرسايىسى – كەشەگى وتكەن حالىق دانالىعىنىڭ, اسىل قاسيەتتەرىنىڭ قازىرگى زامانعا ساي جاڭالانعان بەينەسى, - دەيدى جارىس جايىندا الماتى وبلىسىنىڭ تىلدەردى دامىتۋ جونىندەگى باسقارماسىنىڭ باسشىسى ايدار باشباەۆ.
قالماحانبەت مۇقامەتقالي,
«ەگەمەن قازاقستان»
الماتى وبلىسى