اقپارات جانە كوممۋنيكاتسيالار ءمينيسترى داۋرەن اباەۆ ءىس-ساپارى اياسىندا ماڭعىستاۋ وبلىسىن تسيفرلىق ەفيرلىك تەلەراديو حابارلارىن تاراتۋعا قوسۋدىڭ سالتاناتتى شاراسىنا قاتىستى.
شاراعا ماڭعىستاۋ وبلىسىنىڭ اكىمى ە.توعجانوۆ, «قازتەلەراديو» اق باسقارما توراعاسى ي.تاجىبەكوۆ قاتىستى. ءراسىم بارىسىندا بۇعان دەيىن وڭىرگە قىزمەت ەتىپ كەلگەن انالوگتى تەلەۆيزيالىق سيگنال تاراتۋدى قامتاماسىز ەتكەن جابدىق ءوشىرىلىپ, تسيفرلىق ەفيرلىك تەلەراديو حابارلارىن تاراتۋدىڭ جاڭا مۇمكىندىكتەرى تانىستىرىلدى.
جاڭا جۇيە قالا مەن اۋدان حالقىنىڭ كورۋىنە قولجەتىمدى تەلەۆيزيالىق ارنا سانىن كوبەيتۋگە مۇمكىندىك بەرەدى, سونىمەن قاتار قازاقستاننىڭ جالپى تەلەكونتەنتى نارىعىندا وتاندىق تەلەارنالار سپەكترى كەڭەيىپ, رەسپۋبليكا حالقى حالىقارالىق ستاندارتتارعا جاۋاپ بەرەتىن ساپالى بەينەكونتەنتكە قول جەتكىزەدى.
جوبانى ىسكە اسىرۋ اياسىندا ماڭعىستاۋ وبلىسىندا 21 راديوتەلەۆيزيالىق ستانسا سالىنىپ, جاڭعىرتىلدى. 600 مىڭ حالىق تۇراتىن 47 ەلدى مەكەن نەمەسە وبلىس حالقىنىڭ 99 پايىزى قامتىلدى. حالىق سانى از بولۋىنا بايلانىستى تسيفرلىق ەفيرلىك تەلەراديو حابارلارىن تاراتۋ جۇيەسىنە قوسىلماعان 14 ەلدىمەكەن OTAU TV جەرسەرىكتىك تەلەۆيزياسىنا قوسىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
سۋرەتتى تۇسىرگەن سەرىك مايەمەروۆ