قورعانىس جانە اەروعارىش ونەركاسىبى ءمينيسترى بەيبىت اتامقۇلوۆ فرانتسۋزدىق «Airbus Defence and Space» («Airbus D&S») كومپانياسىنىڭ باسشىلىعىمەن كەلىسسوزدەر جۇرگىزدى.
كەزدەسۋگە فرانتسۋز تاراپىنان "Airbus D&S" باس حاتشىسى – حيۋگ لاپورت-ۆەيۆادا, "Airbus D&S" عارىش بولىمشەسىنىڭ بىرلەسكەن كاسىپورىندارىمەن جۇمىس جونىندەگى ديرەكتورى – جان – يۆ ەلورە, جقز سپۋتنيكتەرىن ساتۋشى مەنەدجەر – گي ليمۋزان, رەسەيدەگى «Airbus D&S» باسشىسى – ۆلاديمير تەرەحوۆ, توو «Airbus Kazakhstan» باس ديرەكتورى – بلاششيشين رومان قاتىستى.
كەلىسسوز بارىسىندا تاراپتار عارىش اپپاراتتارىنىڭ قۇراستىرۋ-سىناۋ كەشەنىن جۇكتەۋ جانە جەردى قاشىقتىقتان زوندتاۋ عارىش جۇيەلەرىن كوممەرتسيالاندىرۋ ماسەلەلەرىن تالقىلاندى.
كەزدەسۋ سوڭىندا تاراپتار ءوزارا ءتيىمدى ستراتەگيالىق ارىپتەستىكتىڭ ماڭىزدىلىعىن بەكىتتى, ءتۇرلى ماقساتتاعى عارىش جۇيەلەرىن قۇرۋ جونىندەگى جوبالاردى, سونداي-اق بىرلەسكەن جوبالارمەن سىرتقى نارىققا شىعۋ مۇمكىندىكتەرىن قاراستىردى.