قازاقستاندىق بوكسشى دانيار ەلەۋسىنوۆ (3-0, 1 كو) بوستوندا وتەتىن امەريكالىق مەتت دوەرتيمەن (8-5-1, 4 كو) جەكپە-جەگى الدىندا ءباسپاسوز ءماسليحاتىنا قاتىستى, دەپ حابارلايدى Sports.kz.
«ماعان بوستون ۇنايدى - وتە جاقسى قالا, ادامدارى دا جىلى شىرايلى. مۇندا ايقاسۋ - مەن ءۇشىن ابىروي. امەريكادا كوبىرەك بوكستاسقاندى قالايمىن, سەبەبى اقش - «بوكستىڭ مەككەسى». دجون دەۆيد دجەكسون - چەمپيونداردى دايىنداعان باپكەر, ءوزى دە كەزىندە چەمپيون بولعان. مەن ونىڭ قامقورلىعىندا بوكسىمدى ايتارلىقتاي العا جىلجىتتىم. ول نە ىستەۋ كەرەكتىگىن بىلەدى», - دەدى ەلەۋسىنوۆ.
دانيار ەلەۋسىنوۆتىڭ ايقاسى بوستونداعى TD Garden ارەناسىندا (اقش, ماسساچۋسەتس شتاتى) 21 قازان كۇنى تاڭەرتەڭ وتەدى. قازاقستاندا ونى «حابار» ارناسى تىكەلەي ەفيردەن كورسەتەدى. باستالۋى استانا ۋاقىتىمەن 06:00-دە.