كەرچتەگى قارۋلى شابۋىل جيىرمادان اسا ادامنىڭ ءومىرىن قيدى

وقيعا جونىندەگى العاشقى مال­ىمەتتەر سوڭعى دەرەكتەر نە­گى­زىن­دە وزگەردى. ناقتىلاي ايت­قان­دا, جارىلىس پەن قا­رۋ­لى شابۋىلدان قازا تاپ­قان­دار سانى 21 ادامعا جەتكەن.­ Kerchinfo.com سايتى مەرت بول­عان­دار­دىڭ جالپى سانىن, اتى-جون­دە­رىن جاريالا­دى. ولاردىڭ ون ال­تى­سى ستۋ­دەنت بولسا (قازا تاپ­­قان ستۋ­دەنت­تەر­دىڭ التاۋى كامەلەت جا­سىنا تولماعاندار), بەسەۋى ەرە­سەك ادامدار (كوللەدج قىز­مەتكەرلەرى).

جارىلىس پەن قارۋلى شابۋىلدان جاراقات العاندار سانى دا از ەمەس. سوڭعى دەرەكتەرگە قا­­­را­­­عاندا, وقيعا سالدارىنان جاپا شەككەندەر – 44 ادام (جەتەۋى – وتە اۋىر, ۇشەۋى – اۋىر, قال­عاندارى ورتا دەڭگەيدە جاراقات العان). جاراقات العان­دارعا ءتيىس­تى مە­ديتسينالىق جار­دەم كور­سەتىلۋدە. زار­داپ شەككەن­دەرگە كومەك كورسەتۋ ءۇشىن وزگە ايماق­تار­دان پسيحولوگتار مەن بىلىكتى دارىگەرلەر جەتكىزىلگەن. 

رەسەي دەنساۋلىق ساقتاۋ ءمين­يسترى ۆ.سكۆورتسوۆا مالىمدە­گەندەي, قازا تاپقاندار­دىڭ باسىم بولىگىنە وق تيگەن, ال جارا­قات العانداردىڭ كوپشىلىگى جارىلىستان جاپا شەككەن. 

رەسەي پرەزيدەنتى اتالعان وقي­عاعا بايلانىستى ارنايى ما­لىمدەمە جاسادى. ول قازا تاپ­ق­ان­داردىڭ وتباسىلارى مەن جاقىن­دارىنا كوڭىل ايتىپ, جاراقات العانداردىڭ تەزىرەك ساۋىعىپ كەتۋىن تىلەدى. ۆ.پۋتين, سونداي-اق وقيعانىڭ بارلىق سەبەپتەرى مەن سالدارلارى ءجىتى تەكسەرىلىپ جاتقانىن, ول تۋرالى بارلىق اقپاراتتار حالىققا بۇكپەسىز جەتكىزىلەتىنىن اتاپ ءوتتى.

كەشە رەسەيدىڭ فەدەرالدى قاۋىپسىزدىك قىز­مەتى وكىل­دەرى مەن قىرىم باس­شى­لىعى وقيعا ورنىندا بولدى. قىرىم باس­­شىسى حابار­لاعان­داي, قارۋ­لى شاب­ۋىلدى ءبىر عانا ادام جا­­سا­عان. ول: «ەگەر وقيعاعا تاعى بى­رەۋ­­­دىڭ قاتىسى بولسا, وندا ونى تەرگەۋ بارىسى انىق­­تايدى. كۇدىكتى ءوزىن ءوزى ولتىر­­گەن. مەن ونىڭ ءما­يى­تىن ءوز كوزىم­­مەن كوردىم», دەدى. 

رەسەيلىك اقپارات كوزدەرىنىڭ حابارلاۋىنشا, قارۋلى شابۋىلدى 18 جاستاعى ۆلاديسلاۆ روسلياكوۆ جاساعان. ول اتالعان پوليتەحنيكالىق كوللەدجدىڭ 4-كۋرسىنىڭ ستۋدەنتى بولعان. ۆ.روسلياكوۆ شابۋىلدان كەيىن ءوز-ءوزىن اتىپ ولتىرگەن. تەرگەۋشىلەر كۇدىكتى تۇرعان پاتەرگە ءتىنتۋ جۇرگىزگەن.

كۇدىكتى وسىدان شامامەن ءبىر اي بۇرىن قارۋ ۇستاۋعا رۇقسات العان. بۇل جونىندە قىرىم توتەنشە جاعدايلار قىزمەتىنىڭ وكىلى: «ول كامەلەتتىك جاسقا تول­عان. بارلىق مەديتسينالىق تەك­سەرۋ­لەر مەن قاجەتتى راسىمدەر­دەن وتكەن. سونىڭ ىشىندە ونى پسي­حولوگ دارىگەر دە قاراعان. ول بارلىق قاجەتتى قۇجاتتاردى وت­كىزىپ, قارۋ ۇستاۋعا رۇقسات العان. بارلىق تالاپتار زاڭدى ءارى رەسمي تۇردە جۇرگىزىلگەن», دەيدى.

دەرەكتەرگە قاراعاندا, وسى جىلعى 12 قازان كۇنى ۆ.روسلياكوۆ قارۋ-جاراق دۇكەنىنەن 8, 12 كاليبرلى «Hatsan» دەپ اتالاتىن قارۋ (ونىڭ قۇنى 19-22 مىڭ رۋبل بولاتىن كورىنەدى) جانە 150 پاترون ساتىپ العان.

بەلگىلى بول­عان­داي, كۇدىكتى­نىڭ اكەسى مەن شەشەسى اجىراسىپ كەتكەن. ول شەشەسى ەكەۋى جال­دامالى پاتەردە تۇرعان. اناسى كەرچ ونكولوگيالىق ديسپانسەرىندە جۇمىس ىستەيدى ەكەن. تەرگەۋ امالدارىنا بايلانىستى ءتيىستى ورىنداردىڭ وكىلدەرى كۇدىكتىنىڭ شەشەسىن الىپ كەتۋگە كەلگەندە ول كول­لەدج­­­دەگى شابۋىل كەزىندە جارا­لانىپ, اۋرۋحاناعا جەتكى­زىلگەن­دەرگە كومەكتەسىپ جاتادى.

تانىستارىنىڭ ايتۋىنشا, كۇدىكتى الەۋمەتتىك جەلى مەن قارۋعا ءۇيىر بولعان كورىنەدى.

ايتا كەتەيىك, العاشقىدا اتال­عان وقيعا لاڭكەستىك ارەكەت دەپ باعالانعان بولاتىن. كەيىن­نەن ول رەسەي تەرگەۋ كوميتەتى تاراپىنان ء«بىر نەمەسە بىرنەشە ادامدى ءولتىرۋ وقيعاسى» دەپ, ونى قىلمىستىق ءىس رەتىندە سيپاتتادى.

جولدىباي بازار,

«ەگەمەن قازاقستان»