جاقىندا چەxيانىڭ وستراۆا قالاسىندا دجيۋ-دجيتسۋدان وتكەن الەم چەمپيوناتى وتكەن بولاتىن. ەرەسەكتەر اراسىنداعى جەكپە-جەك جارىسىنا جەتىسۋلىق جاس سپورتشى ايبەك احمەتوۆ تە قاتىسقان ەدى. ول الەمنىڭ مىقتى سپورتشىلارى جينالعان چەمپيوناتتا كۇمىس جۇلدەگە قول جەتكىزىپ, حالىقارالىق دارەجەدەگى سپورت شەبەرى اتاعىن يەلەندى.
ايبەكتىڭ جاسى جيىرمادا. الاكول اۋدانىندا تۋىپ-وسكەن. جەكپە-جەك ونەرىن بالا كۇنىنەن سەرىك ەتتى. دجيۋ-دجيتسۋدان ەل ىشىندەگى جارىستاردىڭ بارلىعىندا توپ جارىپ كەلەدى. 8 دۇركىن قازاقستان چەمپيونى بولدى. وسى سپورت تۇرىنەن ازيا بىرىنشىلىگىنىڭ جەڭىمپازى. ەندى الەم چەمپيوناتىنىڭ كۇمىس جۇلدەسىن ولجالادى.
- ايبول تالاي بايراقتى باسەكەلەردە ءوزىن جاقسى قىرىنان كورسەتىپ, جەڭىس تۇعىرىنا كوتەرىلىپ ءجۇر. بولاشاعى ءالى الدا عوي. 20 جاسىندا الەمنىڭ مىقتى دجيۋ-دجيتسۋشىلارىمەن يىق تەڭەستىردى. ءوزى نامىستى, ءور رۋحتى جىگىت. جاتتىعۋدا ەرەكشە ءتوزىمدى, قايسار قالپىنان اينىمايدى. ناتيجەسىندە جەڭىس تۇعىرىنا كوتەرىلدى. شاكىرتىمە سەنەمىن - دەيدى الەم چەمپيوناتىنىڭ كۇمىس جۇلدەگەرىنىنىڭ باپكەرى جاتتىقتىرۋشى ارنۇر نۇرلان ۇلى.
قالماحانبەت مۇقامەتقالي,
«ەگەمەن قازاقستان»
الماتى وبلىسى