1973 جىلى "كورول كۋنگ-فۋ" فيلمىنە تۇسكەن قىتايلىق اكتەر ۆان دەشۋن 79 جاسىندا پوديۋم مەن ينتەرنەتتىڭ جۇلدىزى بولدى. اكتەر ۆان دەشۋن كۇتپەگەن جەردەن قىتاي ءسان اپتالىعى كەزىندە باعى جانىپ, ەڭ تانىمال جۇلدىزداردىڭ قاتارىنا قوسىلعان. پەكيندەگى China Fashion Week ءسان اپتالىعىنداعى بۇل جاڭالىق جوسپارلانباعان بولاتىن. ونى 2015 جىلى ەرەكشە مودەل رەتىندە قىتايلىق ديزاينەر حۋ شەگۋان كەزدەيسوق جاعدايدا تاپتى.
«ادامنىڭ جاسىنىڭ ۇلكەندىگى تەك ءوزى ويلاعاندا عانا كەدەرگى كەلتىرۋى مۇمكىن. بارلىق ادامدا بيولوگيالىق جاس قانا ەمەس, وعان قوسا اقىل-ويمەن انىقتالاتىن تاعى بىرەۋى بار»
ۆان دەشۋن 1936 جىلدىڭ 5 قاڭتارىندا شەنيان, لياونين پروۆينتسياسىندا دۇنيەگە كەلگەن, قىتايدا تۋىپ-وسكەن. ول 60 جىل بويى ارمانى جولىندا دايىندالعان, 44 جاسىندا عانا اعىلشىن ءتىلىن ۇيرەنە باستاعان. 57 جاسىندا العاش ساحناعا شىعىپ, ء"تىرى سكۋلپتۋرا" اتانعان.
70 جاسىندا دەنەسىن شىنىقتىرۋ ءۇشىن كۇنى-ءتۇنى جاتتىعۋ زالدارىندا دايىندالعان, باسسەينگە بارعان.
79 جاسىندا العاش رەت پوديۋمعا شىعىپ, تانىمال بولعان.