الماتىدا مامىر ايىنىڭ باسىنان باستاپ قالالىق سۋبۇرقاقتار بىرتىندەپ ىسكە قوسىلادى. ولار 1 قازانعا دەيىن كۇن سايىن ساعات 08:00-دەن 23:00-گە دەيىن جۇمىس ىستەيدى. اۋا رايى سالقىنداپ, تەمپەراتۋرا +5°C-تان تومەندەگەن جاعدايدا سۋبۇرقاقتاردىڭ جۇمىسى ۋاقىتشا توقتاتىلادى, دەپ حابارلايدى Egemen.kz.
قالالىق قوعامدىق كەڭىستىكتەردى دامىتۋ باسقارماسىنىڭ مالىمەتىنشە, بيىل 55 كوممۋنالدىق سۋبۇرقاق كەشەنىن ىسكە قوسۋ جوسپارلانعان. ونىڭ ىشىندە 11-ءى «قۇرعاق» سۋبۇرقاق. بارلىق نىسانداردىڭ تەحنيكالىق جانە سانيتارلىق جاعدايى تۇراقتى باقىلاۋدا بولادى.
ماۋسىمعا دايىندىق اياسىندا سۋبۇرقاقتاردىڭ توستاعاندارى مەن اينالاسى تازارتىلىپ, سۋى زالالسىزداندىرىلدى. سونداي-اق جابدىقتار جوندەلىپ, سىرلانىپ, ينجەنەرلىك جۇيەلەر تولىق تەكسەرۋدەن ءوتتى.
الماتىدا سۋ ۇستىندەگى باق پەن EXPO ورتالىعى سالىنادى
بۇدان بولەك, قالاداعى بىرقاتار ءىرى سۋبۇرقاقتاردى جاڭعىرتۋ جۇمىستارى جۇرگىزىلىپ جاتىر. اتاپ ايتقاندا, رەسپۋبليكا الاڭى مەن عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى ماڭىنداعى نىساندار قايتا جوندەلىپ جاتىر. جوبالاردى تولىق اياقتاۋ جانە اۋماقتاردى اباتتاندىرۋ 2026 جىلدىڭ ءۇشىنشى توقسانىنا جوسپارلانعان.
«تازا قازاقستان»: الماتىدا 550-دەن استام ادام سەنبىلىككە شىقتى
جاڭارتىلعان سۋبۇرقاقتار الماتىلىقتار مەن قالا قوناقتارى ءۇشىن جايلى دەمالىس ورىندارىنا اينالىپ, زاماناۋي قوعامدىق كەڭىستىكتەردىڭ ماڭىزدى بولىگى بولماق.