فرانتسيا پوليتسياسى ءۇش اي بويى جاسىرىنىپ كەلگەن باۋكەسپە ۇرى رەدۋان فايدتى قولعا ءتۇسىردى, دەپ حابارلايدى فرانتسيانىڭ Le Parisien گازەتى.
اقپارات قۇرالدارىنا قولعا ءتۇسىرۋ وپەراتسياسى تۋرالى ناقتى مالىمەت بەرىلمەگەن. كەلىپ تۇسكەن اقپارات بويىنشا, پوليتسيا قىزمەتكەرلەرى رەدۋان فايدتى فرانتسيانىڭ سولتۇستىگىندەگى كرەي قالاسىندا ۇستاعان. قىلمىسكەرمەن بىرگە تاعى 6 ادام تۇتقىندالعان, ولاردىڭ ۇشەۋى فيداننىڭ تۋىسى.
فايد – فرانتسيانىڭ اتىشۋلى قىلمىسكەرلەرىنىڭ ءبىرى. ونىڭ الجيردەن فرانتسياعا قونىس اۋدارعان اكەسى دە 90-جىلدارى قىلمىسكەرلەر توبىن باسقارعان.
رەدۋان ءبىرىنشى رەت 1998 جىلى 18 جىلعا سوتتالىپ, 10 جىلدان كەيىن ەركىندىككە شىعادى. 2018 جىلى ءساۋىر ايىندا ۇرلىق جاساعانى ءۇشىن 25 جىلعا باس بوستاندىعىنان ايىرىلعان. رەدۋان فايد فرانتسيانىڭ رەو قالاسىنداعى جازاسىن وتەپ جاتقان تۇرمەدەن 1 شىلدە كۇنى قاشىپ كەتەدى. قىلمىسكەردى زاماناۋي قورعانىس جۇيەسىمەن جابدىقتالعان جازا ۇيىنەن تىكۇشاقپەن الىپ قاشقان.