ەندى اۋدان جاستارى ماماندىق الۋ ءۇشىن وبلىس ورتالىقتارىنا نەمەسە مەگاپوليستەرگە سابىلمايدى. جاستاردىڭ اۋىلدا, اۋداندا سۇرانىسقا يە, قاجەتتى ماماندىقتى جاقىن جەردەن الۋىنا مۇمكىندىك جاسالدى.
تۇركىستان وبلىسى, تۇلكىباس اۋدانىنىڭ ت.رىسقۇلوۆ ەلدى مەكەنىندە كوپسالالى كوللەدج اشىلدى. ورتا ارناۋلى وقۋ ورنىنىڭ اشىلۋ سالتاناتىندا اۋدان اكىمى ن.تۇراشبەكوۆ: «ەلباسى جولداۋىندا 2019 جىلدى «جاستار جىلى» دەپ بەلگىلەدى. وسىعان وراي سىزدەر مەن ءبىز ەلىمىزدىڭ بولاشاعى جاستارىمىزعا جوعارى دەڭگەيدە ساپالى ءبىلىم الۋعا بارلىق جاعدايدى جاساۋعا مىندەتتىمىز», — دەي كەلە «ۇستازدار كۇنى» مەرەكەسىنە وراي كوللەدج مۇعالىمدەرىنە دە ىستىق لەبىزىن ءبىلدىردى. سونىمەن قاتار, اۋدان باسشىسى مەرەكەگە وراي بىرقاتار ۇستازداردى اۋداننىڭ 90 جىلدىق مەرەيتوي مەدالىمەن جانە العىس حاتتارمەن ماراپاتتادى.
كوپسالالى كوللەدج تۇلكىباس اۋدانىنىڭ عانا ەمەس, وڭىردەگى بارلىق تالاپتى جاستارعا «مەكتەپكە دەيىنگى ءبىلىم بەرۋ مۇعالىمدەرى», «مەيىربيكە قىزمەتى» جانە «ينفورماتيكا مەن اعىلشىن پاندەرىنىڭ مۇعالىمدەرى» ماماندىقتارى بويىنشا ءبىلىم بەرەتىن بولادى.
عالىمجان ەلشىباي,
«ەگەمەن قازاقستان»
تۇركىستان وبلىسى