فينليانديانىڭ بۇرىنعى پرەمەر-ءمينيسترى الەكساندر ستۋبب ەۋروكوميسسيانىڭ توراعالىعىنا ءۇمىتتى, دەپ حابارلايدى Euronews.
ستۋبب – ەۋروپا ۇلتتىق پارتياسىنىڭ وكىلى. مامىر ايىندا وتەتىن سايلاۋدىڭ جوسپارىمەن ءبولىستى: «ەگەر ەۋروكوميسسيانىڭ باسشىسى بولسام, بۇل ينستيتۋتتاعى ايەلدەر سانىن كوبەيتۋگە تىرىسامىن. بۇل ۇلكەن ءارى ۇزاق جول. بارروزانىڭ كەزىندە كوميسسار ايەلدەر سانى وتە از ەدى. جان-كلود يۋنكەر كەزىندە ايەلدەر سانى ارتا باستادى. ايەلدەر تولىق قۇرامنىڭ 40%-ىن قۇراسا جاقسى بولار ەدى. بۇل تىم بولماسا ەۋروپانىڭ يميدجىنە جاقسى اسەر ەتەر ەدى. فينليانديا ۇكىمەتىن باسقارعانىمدا ۇكىمەت قۇرامىنىڭ جارتىسىنان كوبى ايەلدەر ەدى. مەن ونىمەن ماقتانامىن» دەدى ۇمىتكەر.
ودان باسقا تەحنولوگيالىق رەۆوليۋتسيا شارالارى, كوشى-قون ماسەلەلەرى, جۇمىسشىلار پروبلەماسى تۋرالى ويلارىمەن ءبولىستى.