فيلوسوفيا, ساياساتتانۋ جانە ءدىنتانۋ ينستيتۋتى «100 جاڭا وقۋلىق» جوباسىن جۇزەگە اسىرۋ مەن ونىڭ قازاقستاندىق بىرەگەيلىك جانە ۇلتتىق وزىندىك سانانى قالىپتاستىرۋعا اسەرى» دەگەن تاقىرىپتا دوڭگەلەك ۇستەل وتىرىسىن وتكىزدى.
«100 جاڭا وقۋلىق» جوباسىن جۇزەگە اسىرۋدىڭ فيلوسوفيالىق, ساياسي جانە ءدىني اسپەكتىلەرىن تالقىلاۋ مەن قازىرگى زامان جاعدايىندا قوعامدىق بىرەگەيلىك جانە ۇلتتىق سانانى قالىپتاستىرۋدى جەتىلدىرۋدى ساراپقا سالۋ دوڭگەلەك ۇستەلدىڭ نەگىزگى تاقىرىبىنا اينالدى.
بۇگىنگى تاڭدا قوعامدىق سانانى جەتىلدىرۋدى دامىتۋدىڭ وزىندىك مودەلىن جۇزەگە اسىرىلۋدا. وسى باعىتتا شەتەلدىك ۇزدىك وقۋلىقتاردى قازاق تىلىنە اۋدارۋ اسا ماڭىزدى ءىس بولىپ تابىلادى. 2017 جىلى گۋمانيتارلىق عىلىم سالاسىنىڭ ماماندارى تاراپىنان 18 وقۋلىق قازاق تىلىنە اۋدارىلسا, ال بيىلعى جىلى 30 وقۋلىقتى اۋدارۋ جۇمىسى جوسپارلانعان.
ستۋدەنت جاستارىمىز الەمدىك دەڭگەيدەگى جاڭا مازمۇندى ءبىلىم نارىمەن قازاق تىلىندە سۋسىندايتىن بولادى. وسىعان بايلانىستى جاڭا وقۋلىقتاردىڭ يدەيالىق مازمۇنى مەن عىلىمي-تەوريالىق باعىتىنا عىلىمي-ەكسپەرتتىك ساراپتاما جاساۋ قاجەتتىلىگى تۋىندايدى.
دوڭگەلەك ۇستەل وتىرىسى بارىسىندا قر بعم عك فيلوسوفيا, ساياساتتانۋ جانە ءدىنتانۋ ينستيتۋتىنىڭ, ا.بايتۇرسىنوۆ اتىنداعى ءتىل ءبىلىمى ينستيتۋتىنىڭ, ءال-فارابي اتىنداعى قازۇۋ-ءدىڭ, ابىلايحان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ جەتەكشى ماماندارى بايانداما جاساپ, PhD دوكتورانتتارى, ماگيسترانتتار جانە باسقا ماماندار ءسوز سويلەدى.
ساراپشىلار كەزدەسۋى بارىسىنداعى كەڭ اۋقىمدى جانە بىلىكتى پايىمداۋلارعا وراي «جاڭا گۋمانيتارلىق ءبىلىم, قازاق تىلىندەگى 100 جاڭا وقۋلىق» جوباسى تۇرعىسىندا قازاقستاندىق بىرەگەيلىك پەن ۇلتتىق ءوزىن-ءوزى قالىپتاستىرۋ بويىنشا قازاقستاندىق قوعامنىڭ بىرقاتار وزەكتى جانە ماڭىزدى باعىتتارىن انىقتاۋ جوسپارلانۋدا.
ەلۆيرا سەرىكقىزى,
«ەگەمەن قازاقستان»
الماتى