اقتوبە وبلىسىندا جەل ەلەكتر ستانتسياسى سالىنادى

وبلىس اكىمى بەردىبەك ساپارباەۆ پەن «ArmWind» كومپانياسىنىڭ ديرەكتورى (نەگىزىن قالاۋشىلار - ENI - 90%, GeneralElectric - 10%) ابرامو فەرديناندو بيزنەس-كەڭەستىڭ وتىرىسىندا ءتيىستى مەموراندۋمعا قول قويدى.

جەس جوسپارلانعان جىلدىق قۋاتتىلىعى 190 گۆت-قا تەڭ بولادى. ينۆەستيتسيا كولەمى شامامەن 100 ميلليون ەۋرو. نىساننىڭ قۇرىلىسىن اعىمداعى جىلدىڭ ءتورتىنشى توقسانىندا باستاپ, 2019 جىلدىڭ سوڭىندا پايدالانۋعا بەرۋ جوسپارلانۋدا. قۇرىلىس كەزەڭىندە 300 جۇمىس ورنى قۇرىلادى.

ىسكەرلىك-كەڭەستىڭ ەڭ ماڭىزدى وقيعاسى جيىننىڭ جۇمىسىنا «قازحروم» تۇك, «SinopecGroup», CNPC وكىلدەرى قاتىسىپ, سونداي-اق ءوندىرىستى جاڭعىرتۋ ءۇشىن جول كارتالارىنا قول قويىلدى.     

- وتكەن جىلى پرەزيدەنت نۇرسۇلتان نازارباەۆ ءتورتىنشى يندۋستريالدى رەۆوليۋتسيا جاعدايىندا دامۋدىڭ جاڭا مۇمكىندىكتەرى تۋرالى جاريالادى. ءبىز ونىڭ ەلەمەنتتەرىن ەنگىزە وتىرىپ, جىلدىڭ قورىتىندىسى بويىنشا جالپى سوماسى 85 ملرد. تەڭگەگە 42 كومپانيانى جاڭعىرتۋىمىز كەرەك. بۇل ينۆەستيتسيالاردى ۇلعايتۋدى تالاپ ەتەدى. بىلتىر ول شامامەن 465 ملرد. تەڭگە قالدىرىپ, بيىلعى جىلى كەمىندە 530 ملرد. تەڭگە ينۆەستيتسيا تارتۋعا ۋادە بەردى. بۇگىن ءبىز ايماقتىق ەكونوميكانى ودان ءارى دامىتۋ ءۇشىن ماڭىزدى ەكى ماسەلە - ءوندىرىستى جەتىلدىرۋ مەن ءبىزدىڭ ءوڭىردىڭ ينۆەستيتسيالىق الەۋەتىن ارتتىرۋدى تالقىلاۋ ءۇشىن جينالىپ وتىرمىز, - دەدى بەردىبەك ساپارباەۆ, شاراعا قاتىسۋشىلارعا ارناعان سوزىندە.

سونداي-اق, كەزدەسۋ اياسىندا «جەلەنەرگو» جشس-مەن مارتوك اۋدانىندا جەل ەلەكتر ستانتسياسىن سالۋ تۋرالى مەموراندۋمعا قول قويىلدى. بۇل جوبانىڭ تەحنولوگيالارى ەكسپو-2017 حالىقارالىق كورمەسىندە دە كورسەتىلدى. جالپى العاندا, وڭىردە ەكسپو-2017-ءنىڭ 6 يننوۆاتسيالىق تەحنولوگياسى ەنگىزىلدى. ناتيجەسىندە كەن ءوندىرۋ ونەركاسىبىنىڭ باعاسى 1,5%-عا تومەندەدى, ال مۇناي ءوندىرىسى 10%-عا ءوستى. EXPO-2017-ءنىڭ تاعى 15 تەحنولوگياسى ىسكە اسىرىلۋ كەزەڭىندە.