«Astana LRT» كومپانياسى ەلوردادا نوسەر كەزىندە سالونىنا سۋ كىرىپ كەتكەن اۆتوبۋستىڭ ۆيدەوسىنا قاتىستى تۇسىنىكتەمە بەردى, دەپ جازادى قازاقپارات.
بۇعان دەيىن الەۋمەتتىك جەلىدە استانا كوشەسىمەن ءجۇرىپ كەلە اۆتوبۋستىڭ سالونىن تولىعىمەن سۋ الىپ كەتكەنى جونىندە ۆيدەو تاراعان ەدى. «جەلىدە تاراعان ۆيدەوعا كەلسەك, اۆتوبۋستى سۋ باسۋ قاۋپى بولعاندىقتان, جۇرگىزۋشى قوزعالىستى توقتاتا المادى. سول سەبەپتى جۇرگىزۋشى سۋ باسقان اۋماقتان ءجۇرىپ ءوتىپ, كەلەسى اينالىمىن ۋاقىتشا وزگەرتىلگەن سحەما بويىنشا باستاعان», - دەپ ءتۇسىندىردى كومپانيانىڭ ءباسپاسوز حاتشىسى. ءباسپاسوز حاتشىسىنىڭ حابارلاۋىنشا, قازىر دە ب. مومىش ۇلى داڭعىلىنىڭ ا.توقپانوۆ - سارايشىق بولىگىن سۋ باسىپ جاتىر.
ايتا كەتەيىك, استانادا تولاسسىز جاۋعان نوسەر جاڭبىردان كوشەلەردى سۋ الىپ, بىرقاتار اۆتوبۋس باعدارى وزگەرتىلدى. ب. مومىش ۇلى داڭعىلىنىڭ ا.توقپانوۆ - سارايشىق كوشەسى ارالىعىندا جۇرەتىن №15, 47, 51, 56, 61, 101 اۆتوبۋس باعدارلارى 21 تامىز 06:00-دەن باستاپ سۋ تازارتىلعانشا ۋاقىتشا قوزعالىس باعىتتارىن وزگەرتەدى.