اقمولا وبلىسىنىڭ اكىمى مالىك مىرزالين يندونەزيادا ءوتىپ جاتقان 18-ءشى جازعى ازيا ويىندارىندا سەمسەرلەسۋدەن التىن جۇلدەگە يە بولعان جەرلەس سپورتشى دميتري الەكسانينگە قۇتتىقتاۋ جەدەلحاتىن جولدادى, دەپ حابارلايدى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى.
ء«سىز بۇل ءدۇبىرلى جارىستا ءبىزدىڭ وبلىسىمىزدىڭ وكىلى رەتىندە ۇلكەن جەڭىسكە جەتتىڭىز. سىزگە جەڭىس جولىندا جۇمساعان ەرىك كۇشىڭىز بەن شەبەرلىگىڭىز ءۇشىن العىسىمدى بىلدىرەمىن. ءسىز وزىڭىزگە دەگەن باپكەرلەرىڭىز بەن جانكۇيەرلەرىڭىزدىڭ ۇلكەن سەنىمىن اقتاپ قانا قويماي, وتانىمىز قازاقستاننىڭ سپورتتاعى بيىك جەتىستىكتەرىن الەمگە پاش ەتتىڭىز», دەلىنگەن وبلىس اكىمىنىڭ جەدەلحاتىندا.