بۇۇ باس حاتشىسى انتونيۋ گۋتەرريش كاسپي تەڭىزىنىڭ قۇقىقتىق مارتەبەسى تۋرالى كونۆەنتسياعا قول قويۋىن قۇپتايدى. بۇل تۋرالى مالىمدەمەنى بىرىككەن ۇلتتار ۇيىمىنىڭ حاتشىلىعى تاراتتى, دەپ حابارلايدى سىرتقى ىستەر مينيسترلىگىنىڭ ءباسپاسوز قىزمەتى.
«بۇل تاريحي قۇجات حالىقارالىق بەيبىتشىلىك پەن قاۋىپسىزدىكتى قامتاماسىز ەتۋ ءۇشىن اسا ماڭىزدى بولىپ تابىلاتىن وڭىرلىك ىنتىماقتاستىقتىڭ ماڭىزدىلىعىن كورسەتەدى», – دەپ ايتىلعان حابارلامادا.
بۇۇ باس حاتشىسى كونۆەنتسيانىڭ كاسپي تەڭىزى جاعالاۋى ەلدەرى اراسىنداعى ۇزاق مەرزىمدى پروبلەمالاردىڭ كەڭ اۋقىمىن رەتتەيتىن جەتپەس ءرول اتقارۋى ءتيىس دەپ سانايدى جانە وڭىرلىك شيەلەنىس ازايتۋدا ماڭىزدى قادام بولىپ تابىلادى.
انتونيۋ گۋتەرريش, سونداي-اق, كونۆەنتسياعا قول قويعان بارلىق ەلدەردى وڭىرلىك ىنتىماقتاستىق پەن كوپجاقتى ديپلوماتيانىڭ ەرەكشە ءمانى بار جەتىستىكتەرىمەن قۇتتىقتادى.