تۇركىستان وبلىسىنىڭ مادەنيەت جانە تىلدەردى دامىتۋ باسقارماسى, وبلىستىق مادەنيەت جانە حالىق شىعارماشىلىعى ورتالىعىنىڭ ۇيىمداستىرۋىمەن ەلباسى ن.ءا.نازارباەۆتىڭ «بولاشاققا باعدار: رۋحاني جاڭعىرۋ» ماقالاسىنداعى «تۋعان جەر» باعدارلاماسىن جۇزەگە اسىرۋ, استانانىڭ 20 جىلدىعىنا ارنالعان ش.قالداياقوۆ اتىنداعى «مەنىڭ قازاقستانىم» وبلىستىق ءان بايقاۋىنىڭ ىرىكتەۋ كەزەڭى ءوتتى.
بايقاۋدىڭ ماقساتى- كومپوزيتور ءشامشى قالداياقوۆتىڭ شىعارمالارىن دارىپتەۋ, حالىق اراسىندا ءان ونەرىن دامىتۋ, قازاق اندەرىن ورىنداۋشىلار اراسىنان جاس تالانت يەلەرىن انىقتاپ كاسىبي باعدار بەرۋ, جەكە شىعارماشىل تۇلعالاردىڭ قالىپتاسۋىنا ىقپال ەتۋ, انشىلەردىڭ ورىنداۋ شەبەرلىكتەرىن ارتتىرا وتىرىپ ولارعا قولداۋ كورسەتۋ جانە وتانسۇيگىشتىككە باۋلۋ, ۇلتتىق رۋحتا تاربيەلەۋ.
بايقاۋدىڭ ءبىرىنشى كەزەڭىندە ۇمىتكەرلەر ش.قالداياقوۆتىڭ, ەكىنشى كەزەڭدە تۇركىستان وبلىسى كومپوزيتورلارىنىڭ اندەرىن شىرقادى.سىرلى انمەن قازاق حالقىنىڭ ءبىتىم-بولمىسىن, شىنايى بەينەسىن سيپاتتاپ, ءان الەمىندە ايرىقشا ورنىن قالدىرعان ۇلى كومپوزيتور اتىن ۇلىقتايتىن ءداستۇرلى ونەر دوداسىنىڭ اۋدان, قالادا وتكەن ءبىرىنشى كەزەڭىنە 200-گە جۋىق ۇمىتكەر ءوتىنىش ءبىلدىرىپ, ونىڭ ىشىنەن 56 ۇمىتكەر وبلىستىق بايقاۋعا جولداما العان بولاتىن. ونەر بايگەسىنە 15 - 29 جاس ارالىعىنداعى ۇمىتكەرلەر قاتىستى.
قازاقتىڭ مۋزىكا ونەرىندە ءشامشىنىڭ ورنى ەرەكشە 300-گە جۋىق اندەرى بار.بايقاۋدىڭ بيىلعى جەتىستىگى ۇلى كومپوزيتوردىڭ ورىندالماي جۇرگەن 15-تەن اسا ءانى جارىققا شىعارىلىپ, ارنايى اسپاپتاردىڭ سۇيەمەلدەۋىمەن كورەرمەنگە جول تارتتى. ولاردىڭ قاتارىندا "كەل, بۋرابايعا", "بايقوڭىر", "كەلىن كەلدى", "كوككولدەگى كەشتەر-اي", "ەگىز ماقتا", "عاشىق كۇندەر" جانە اباي قۇنانباەۆتىڭ سوزىنە جازىلعان "تىڭدا مەنى, دوستارىم" سىندى اندەر بار.
1992 جىلدان بەرى داستۇرگە اينالعان بۇل بايقاۋدان ەلىمىزگە تانىمال شاكيزادا بايباتجانوۆا, قۇرمان شويىنباەۆ, ساۋلە جەلدىباەۆا, مارات ءايتىموۆ, نۇرعالي تۇرلىبەكوۆ, حاديشا سەيىتوۆا, جۇبانىش جەكسەن ۇلى, گۇلجازيرا قايىربەكوۆا, توقتار سەرىكوۆ, اسقار جۇنىسبەكوۆ, «جىگىتتەر» كۆارتەتى, نۇرجان جۇسىپبەكوۆ, ءمادىحان دۇيسەەۆ, احىنبەكوۆ رۋسلان, «سارىن» توبى سىندى ونەر يەلەرى قانات قاققان.
وڭتۇستىك قازاقستان وبلىسى, وتىرار اۋدانى, ءشاۋىلدىر اۋىلىندا دۇنيەگە كەلگەن اسا كورەكتى سازگەر, ءان جانرىنىڭ ايگىلى مايتالمانى, قازاقستان مادەنيەتىنە ەڭبەگى سىڭگەن قايراتكەر, وسى زاماننىڭ قازاق ەستراداسىنىڭ نەگىزىن قالاۋشى, قازاقستاننىڭ حالىق ءارتىسى, شىمكەنت, تاراز, جەتىساي قالالارىنىڭ قۇرمەتتى ازاماتى ءشامشى قالداياقوۆ - ۇلتتىق مۋزىكا ونەرىنىڭ ءان جانرىنا اسا ايقىن, سوڭعى لەپ الا كەلگەن تۇلعا. ەلگە, جەرگە, وتان مەن اتا-اناعا دەگەن سۇيىسپەنشىلىك كومپوزيتور شىعارمالارىنىڭ باستى تاقىرىبى بولسا, سونىڭ ىشىندە, «مەنىڭ ەلىم», «انا تۋرالى جىر», «باقىت قۇشاعىندا», «تەرىسكەي», «ارىس جاعاسىندا», «وتىرارداعى توي», ء«ومىر-وزەن» سىندى كوپتەگەن اندەرى حالىقتىڭ جاتتاندى ءومىر جىرىنا اينالعان. ۇلى تۇلعانىڭ بىرەگەي ونەر جولىن دارىپتەۋگە ارنالعان بايقاۋعا قاتىسقان 21 ونەرپاز اقتىق كەزەڭگە جولداما الدى.