گرانت سانى بويىنشا جاسالعان رەيتينگ ءتىزىمىنىڭ العاشقى ساپىندا ءال-فارابي اتىنداعى قازۇۋ تۇر. گرانت جەڭىپ العان ۇزدىك تۇلەكتەردىڭ 6,6 مىڭى ۇلتتىق ۋنيۆەرسيتەتتە ءبىلىم الاتىن بولدى. اتالعان ۋنيۆەرسيتەتتىڭ ءباسپاسوز قىزمەتىنىڭ مالىمەتى بويىنشا, گرانت يەگەرلەرىنىڭ باسىم كوپشىلىگى – «التىن بەلگى» يەگەرلەرى, حالىقارالىق جانە رەسپۋبليكالىق وليمپيادالاردىڭ جەڭىمپازدارى.
وق بويى وزىق شىققان ۋنيۆەرسيتەتتە ءبىلىم العىسى كەلگەن تالاپكەرلەردىڭ راديوتەحنيكا, ەلەكترونيكا, تەلەكوممۋنيكاتسيالار, اقپاراتتىق جۇيەلەر, اۆتوماتتاندىرۋ, باسقارۋ, تۋريزم, حيميالىق تەحنولوگيالار سىندى ماماندىقتارمەن قاتار حالىقارالىق قاتىناستار جانە قۇقىق, قۇقىقتانۋ, قارجى, ەسەپ جانە اۋديت, ەكونوميكا سياقتى فاكۋلتەتتەرگە سۇرانىسى جوعارى. جەكەلەگەن ماماندىقتار بويىنشا ۇمىتكەرلەر سانى ءبىر ورىنعا 15-20 تالاپكەردەن كەلەدى.
الەمدەگى جوو-نىڭ ۇزدىك توپتاماسىنا كىرەتىن ءبىلىم, عىلىم جانە يننوۆاتسيانىڭ جەتەكشى ورتالىعى ءارى قوسديپلومدى ءبىلىم باعدارلامالارىن جۇزەگە اسىرىپ وتىرعان ۋنيۆەرسيتەتتە ماگيستراتۋرا مەن دوكتورانتۋراعا تۇسۋگە ىنتا بىلدىرگەندەر كورسەتكىشى دە جوعارى.
ەلۆيرا سەرىكقىزى,
«ەگەمەن قازاقستان»
الماتى