جانار-جاعارماي قۇنى ءوستى

«بۇگىندە اۆتوجانارماي قۇيۋ ستانسالارىندا ديزەل وتىنىنىڭ قۇنى ءوستى. بۇل بىرنەشە فاكتورعا بايلانىستى بولىپ وتىر. تۇتىنۋ كولەمىنىڭ ءوسۋ سەبەبى وندىرىلگەن ديزەل وتىنىنىڭ با­سىم بولىگى اۋىل شا­رۋاشىلىعى جانە تەمىر جول سالالارىن قام­تاماسىز ەتۋگە جۇم­سالادى. بۇ­دان باسقا, سۇرانىستىڭ ارتۋى قازاقستان ار­قىلى وتەتىن ترانزيتتىك جۇك تاسىمالىنىڭ ماۋسىمدىق وسۋىمەن جانە دە وسى جاعدايعا بايلانىستى ىشكى نارىقتاعى جانە كورشى ەلدەردىڭ شەكارالاس ايماقتارىندا باعانىڭ ديسپاريتەتىنە بايلانىستى وتىننىڭ شەكارا اسىپ كەتۋىنە قاتىستى بولىپ وتىر. «بەنزين (اۆياتسيالىق بەنزيندى قوسپاعاندا) مەن ديزەل وتىنىنا ارنالعان اكتسيزدەر مولشەرلەمەلەرىن بەكىتۋ جانە قازاقستان ۇكىمەتىنىڭ كەيبىر شەشىمدەرىنىڭ كۇشى جويىلدى دەپ تانۋ تۋرالى» ەل ۇكىمەتىنىڭ 2018 جىلعى 6 ساۋىردەگى № 173 قاۋلىسىنا سايكەس ديزەل وتىنىنا ار­­نال­عان اكتسيز مولشەرلەمەسى اعىمداعى جىلعى 1 ماۋسىمنان باستاپ 1 ليتر ءۇشىن 7,7 تەڭگەگە كوتەرىلدى. اۋىل شارۋاشىلىعى تاۋار­لارىن وندىرۋشىلەرىن ديزەل وتىنىمەن قامتاماسىز ەتۋ جونىندە 2018 جىلدىڭ كوكتەمگى ەگىس جۇمىستارىنىڭ تۇراقتى جۇرگىزۋ ءۇشىن قر ەنەرگەتيكا مينيسترلىگى مەن اۋىل شارۋاشىلىعى مي­نيسترلىگى بىرلەسكەن تۇردە كوكتەمگى ەگىس جۇ­مىستارىنا ديزەلدىك وتىندى جەتكىزۋ بويىنشا مۇناي وڭدەۋ زاۋىتتارىنا وبلىستاردى بەكىتىپ بەرۋ كەستەسى ازىرلەندى جانە بەكىتىلدى. اۋىل شا­رۋاشىلىعى مينيسترلىگى جىل سايىن وبلىس اكىمدىكتەرىمەن بىر­لەسىپ, اۋىل شارۋاشىلىعى تاۋارلارىن وندىرۋشىلەرگە قاجەتتى مۇناي ونىمدە­رىنىڭ كولەمىن انىقتاپ, ەنەرگەتيكا مي­نيستر­­لىگىنە ەگىس جانە ەگىستى جيناۋ جۇ­مىس­تارىن جۇرگىزۋگە ارنالعان ءاشتو ءۇشىن ديزەل­دىك وتىندى جەتكىزۋ كولەمى تۋرالى ۇسى­نىس­تاردى ەنگىزەدى. ءاشتو ءۇشىن ءموز-دەن ديزەل وتىنىن جونەلتۋگە باسىمدىق زاڭ دەڭگەيىندە بەرىلدى, باقىلاۋ مەن مونيتورينگ جۇرگىزۋ تاۋلىك بويى جۇزەگە اسىرىلادى. جوعارىدا باياندالعاننىڭ نەگىزىندە ەنەرگەتيكا مينيسترلىگى 2018 جىلعى ەگىس جۇمىستارىن تۇراقتى جۇرگىزۋ ءۇشىن جان-جاقتى شارالار قولدانىپ جاتقانىن حابارلايمىز», دەدى ەنەرگەتيكا ۆيتسە-ءمينيسترى ب.اقشولاقوۆ. 

راۋان قايدار,

«ەگەمەن قازاقستان»