پەتروپاۆلدا جۇك كولىكتەرى قۇراستىرىلادى

شاحار باسشىسى مارات تاسماعانبەتوۆ پەن قىتايدىڭ حۋبەي پروۆينتسياسىنان كەلگەن دەلەگاتسيا اراسىندا وسىنداي  ۋاعدالاستىق جاسالدى. مەيماندارعا ء وڭىرىمىزدىڭ ينۆەستيتسيالىق الەۋەتى جايلى جان-جاقتى ماعلۇمات بەرىلدى. قوس تاراپ تاراپىنان جۇزەگە اسىرىلاتىن  بىرىككەن  جوبالار تالقىلانىپ, وي-پىكىرلەر الماسىلدى.

«تۇراقتى ەكونوميكالىق ءوسىمدى قالىپتاستىرۋ ءۇشىن شەتەلدىك ينۆەستورلارمەن ارىپتەستىك ورناتۋدىڭ ماڭىزى زور. بۇل تۋرالى ەلباسىمىز نۇرسۇلتان نازارباەۆ ۇنەمى ايتىپ كەلەدى. وسى باعىتتا وڭىرىمىزدە اتقارىلىپ جاتقان جۇمىستار از ەمەس. قازىرگى ۋاقىتتا گەرمانيا, شۆەتسيا, رەسەي ەلدەرىنەن ينۆەستيتسيا تارتۋ ماسەلەلەرى بويىنشا اۋقىمدى جوبالار تارتىلادى. پەتروپاۆل قالاسى وندىرىستىك, مادەني ورتالىق بولىپ سانالادى. ەكونوميكانىڭ باسىم بولىگىن وندىرىستىك ورىندار قۇرايدى. ءتورت جۇزدەن استام كاسىپورىن جۇمىس ىستەيدى»,  دەدى مارات يمانباي ۇلى.

شيان قالاسى حالىقتىق ۇكىمەتىنىڭ ۆيتسە-مەرى چجاو چجە ءوز سوزىندە قازاقستان مەن قىتاي اراسىنداعى دوستىق, ىسكەرلىك قارىم-قاتىناستىڭ, ءوزارا ارىپتەپتەستىك بايلانىستىڭ نىعايىپ كەلە جاتقانىن اتاپ كورسەتتى. سەنىمدى ترانزيتتىك ءدالىز سانالاتىن پەتروپاۆل قالاسىنىڭ قارجى قۇيۋعا قولايلى وڭىرگە, ءىرى كولىك-لوگيستيكالىق ورتالىققا اينالاتىنىنا سەنىم ءبىلدىردى.

ونىڭ ايتۋىنشا قازاقستاننىڭ «نۇرلى جول, قىتايدىڭ ء «بىر بەلدەۋ, ءبىر جول» باعدارلامالارى اياسىندا ءوزارا ارىپتەستىكتىڭ ارتۋىنا  قولايلى گەوگرافيالىق احۋال جاقسى جۇمىس ىستەپ كەلەدى.

كەزدەسۋ بارىسىندا ءسوز العان «سقو سپ كاZ» جشس-ءىنىڭ باس مەنەدجەرى ازات شايكەنوۆ بولاشاق  يندۋستريالىق پاركتە جوسپارلانىپ وتىرعان شارالارمەن تانىستىردى. مۇندا ارنايى تەحنيكانىڭ 50-دەن استام ءتۇرى شىعارىلادى. ولاردىڭ قاتارىندا تراكتور, سۇيىقتىق تاسىمالدايتىن جۇك كولىكتەرى, مەديتسينالىق ماقساتتا پايدالانىلاتىن تەحنيكالار بار. جەلى جۇيەلەرى اسپاناستى ەلىنەن جەتكىزىلمەك. ماماندار ەلىمىزدىڭ جانە قىتايدىڭ جوعارى وقۋ ورىندارىندا دايارلانادى. يندۋستريالىق پارك تولىق قۋاتىنا كوشكەن كەزدە 4 مىڭ جاڭا جۇمىس ورنى قۇرىلادى. جوبا قۇنى 65 ميلليارد تەڭگەنى قۇرايدى. قازىرگى تاڭدا زاۋىتقا 165 گەكتار جەر تەلىمى بولىنگەن.

قىتاي ينۆەستورلارى قانت شىعاراتىن, كارتوپ كراحمالىن وندىرەتىن زاۋىتتار سالۋ جونىندەگى  ۇسىنىستاردى قاراستىرۋعا ۋادە بەردى.

ءومىر ەسقالي,

«ەگەمەن قازاقستان»

سولتۇستىك قازاقستان