زەينەتاقى اۋدارىمدارىنىڭ بارلىعى ازاماتتاردىڭ تابىسىنان تۇسكەن كىرىسىنەن عانا تولەنەدى. بۇل تۋرالى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى سۆەتلانا جاقىپوۆا Facebook پاراقشاسىندا جازدى.
"مىسالى, مەكەمە قىزمەتكەرىنىڭ تاپقان تابىسى - ونىڭ ەڭبەكاقىسى, جەكە كاسىپكەردىكى - كاسىپكەرلىك قىزمەتىنەن كەلگەن كىرىس, جەكە نوتاريۋستاردىكى - كورسەتكەن قىزمەتتەرىنەن تۇسكەن كىرىس. ال جەكە نەمەسە زاڭدى تۇلعالارعا وتەماقىلى شارت (ازاماتتىق-قۇقىقتىق شارت دەپ اتالاتىن) نەگىزىندە قىزمەتتىڭ نەمەسە جۇمىستىڭ بەلگىلى ءبىر ءتۇرىن كورسەتەتىن ازاماتتار ءۇشىن - مىندەتتى زەينەتاقى جارنا سول جۇمىس نەمەسە قىزمەتىنىڭ ناتيجەسىندە تاپقان تابىسىنان تولەنەدى (جەكە مۇلكىن ساتۋدان تۇسكەن اقشادان ەمەس)", دەدى ۆيتسە-مينيستر.
قازاقستان رەسپۋبليكاسىنىڭ زەينەتاقىمەن قامسىزداندىرۋ تۋرالى زاڭىنىڭ 25-بابىندا بىلاي دەلىنگەن: "بىرىڭعاي جيناقتاۋشى زەينەتاقى قورىنا تولەنۋگە جاتاتىن مiندەتتi زەينەتاقى جارنالارى مىندەتتى زەينەتاقى جارنالارىن ەسەپتەۋ ءۇشiن الىناتىن اي سايىنعى تابىستىڭ 10 پايىزى مولشەرiندە بەلگiلەنەدi".
بيىل 14 شىلدەدە زاڭعا ەنگىزىلگەن وزگەرىستەرگە سايكەس, ازاماتتىق-قۇقىقتىق شارت بويىنشا تابىس تاۋىپ وتىرعان جەكە تۇلعالار ادۆوكاتتار, جەكە سوت ورىنداۋشىلارى, جەكە نوتاريۋستار, كاسىبي مەدياتورلار, جەكە كاسىپكەرلەر سياقتى تابىستارىنان ءوز ەسەپتەرىنە بىرىڭعاي جيناقتاۋشى زەينەتاقى قورىنا مىندەتتى زەينەتاقى جارناسىن تولەيدى.
سونىمەن قاتار, مىندەتتى زەينەتاقى جارناسى تولەنەتىن كىرىستەر, سونداي-اق, ولاردى تولەۋ ەرەجەسى مەن مەرزىمدەرى, ۇستاپ قالۋ (اۋدارۋ) جانە مىندەتتى زەينەتاقى جارناسىن, مىندەتتى كاسىپتىك زەينەتاقى جارنالارىن بىرىڭعاي جيناقتاۋشى زەينەتاقى قورىنا اۋدارۋ جانە تولەتۋ ەرەجەلەرى مەن ەسەپتەۋ مەرزىمدەرى 2013 جىلى 18 قازاندا بەكىتىلگەن قازاقستان رەسپۋبليكاسى ۇكىمەتىنىڭ قاۋلىسىمەن انىقتالادى.
"زاڭعا ەنگىزىلگەن جاڭا وزگەرىستەرگە بايلانىستى قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى "الەۋمەتتىك قامسىزداندىرۋ ماسەلەلەرى بويىنشا قازاقستان رەسپۋبليكاسى ۇكىمەتىنىڭ كەيبىر شەشىمدەرىنە وزگەرىس ەنگىزۋ تۋرالى" قازاقستان رەسپۋبليكاسى ۇكىمەتى قاۋلىسىنىڭ جوباسىن ازىرلەدى, وندا ازاماتتىق-قۇقىقتىق شارتپەن تابىس تاۋىپ وتىرعان جەكە تۇلعالاردىڭ مىندەتتى زەينەتاقى جارناسىن تولەۋ ءتارتىبى مەن مەرزىمى قاراستىرىلعان. جوبا قازىرگى تاڭدا قىزىعۋشىلىق تانىتقان مەملەكەتتىك ورگانداردىڭ, ساراپشىلاردىڭ كەڭەسى مەن اككرەديتتەلگەن ۇيىمداردىڭ كەلىسىمىن الۋ پروتسەدۋراسىنان ءوتىپ جاتىر", دەدى جاقىپوۆا.
"سونىمەن قاتار, ايتا كەتەتىن جايت, ازاماتتىق-قۇقىقتىق شارتپەن تابىس تاۋىپ وتىرعان جەكە تۇلعالاردىڭ كىرىسى بۇرىنعىداي, جۇمىس نەمەسە قىزمەت كورسەتۋ ارقىلى تۇسكەن تابىس بولىپ ەسەپتەلەدى", دەدى ۆيتسە-مينيستر.
ايتا كەتەيىك, بۇعان دەيىن زەينەتاقىمەن قامسىزداندىرۋ زاڭناماسىنا ەنگىزىلگەن جاڭا وزگەرىستەردىڭ قازاقستاندىقتاردى پاتەر نەمەسە كولىك سىندى جەكە م ۇلىكتى ساتۋدان تۇسكەن كىرىسىنىڭ 10 پايىزىن بزجق-عا بەرۋگە مىندەتتەگەنى تۋرالى اقپارات تاراعان.