ەلىمىزدە بەس مىڭ ادام قاماۋدان بوساتىلادى

ونىڭ ايتۋىنشا, مەملەكەت باسشىسىنىڭ جولداۋى اياسىندا قىلمىستىق ساياساتتى گۋمانيزاتسيالاۋ جۇمىسى كۇشەيدى. وسى ورايدا ارنايى زاڭ جوباسى دا دايارلاندى. وعان سايكەس, 260 قىلمىس بويىنشا قوعامدىق جۇمىس جانە باس بوستاندىعىن شەكتەۋ سياقتى جازا ەنگىزىلەدى. ال 36 قىلمىس بويىنشا ايىپپۇلدىڭ كولەمى تومەندەيدى. بۇدان بولەك, باس بوستاندىعىنان ايىرۋ مەرزىمى قىسقاراتىن بولادى.

«سوسىن اسا اۋىر قىلمىستار بويىنشا جازاعا تارتۋ مەرزىمى 5 جىل دەپ بەلگىلەنىپ وتىر. وسىنىڭ نەگىزىندە 5 مىڭعا جۋىق سوتتالعان ادامدى بوساتۋعا بولادى. مەملەكەت باسشىسى ول زاڭعا قول قويدى», - دەدى ق.قوجامجاروۆ بۇگىنگى القا ماجىلىستە.

ايتا كەتەيىك, القا ءماجىلىسى كەزىندە باس پروكۋراتۋرا جانىنداعى قۇقىق قورعاۋ ورگاندارى اكادەمياسىنىڭ رەكتورى ەرعالي مەرزادينوۆ اتالعان وقۋ ورنىنىڭ كەمشىن تۇستارىن جاريالادى. ونىڭ ايتۋىنشا, اكادەميا قىزمەتكەرلەرىنىڭ كاسىبي دايىندىعىن جان-جاقتى تەكسەرىپ شىعۋ قاجەت. سەبەبى مامانداردىڭ اۋىسۋى جيىلەپ كەتتى. ءۇش جىلدىڭ ىشىندە اتالعان كورسەتكىش 60 پروتسەنتتى قۇرادى. «ەڭبەك ءتارتىبى وسال. ءاربىر ەكىنشى قىزمەتكەر «بولنيچنىيدا» ءجۇردى. ال كەيبىر قىزمەتكەرلەر ءبىر جىلدا ەكى رەت ەمەس, 8-10 رەت «اۋىرىپ» شىعادى. بۇنىڭ بارلىعى كۇندەلىكتى نارسەگە اينالدى. سوسىن اكادەميادا ءۇش جىل ىستەسە, كىرەتىن ەسىكتى دە بىلمەيتىن قىزمەتكەرلەر بار», - دەپ اتاپ كورسەتتى ە.مەرزادينوۆ.