شىعىس پەن باتىستىڭ وزىق داستۇرلەرىن بويىنا سىڭىرگەن قالا

قىمباتتى نۇرسۇلتان ءابىش ۇلى!

قازاقستان رەس­پۋب­ليكاسى استاناسىنىڭ 20 جىلدىعى مەن ءسىزدىڭ تۋعان كۇنىڭىزگە باي­لا­نىس­تى جۇرەكجاردى جانە ىس­تىق قۇتتىقتاۋىمدى قابىل الىڭىز! ءسىزدىڭ ەسىمىڭىز تاۋەلسىز قازاقستاننىڭ 20 جىلدىعى تويلانىپ جاتقان استانا قالاسىنىڭ اۆتورى-ارحيتەكتورى رەتىندە تاريح بەتتەرىنە التىن ارىپ­تەرمەن جازىلدى. اس­تانا قازاقستاننىڭ ۇلتتىق قۇن­دى­لىعىنا, ال ونىڭ دا­مۋى تۇتاس ەل دامۋىنىڭ ۇلگىسىنە, تاۋەلسىزدىگىنىڭ سيم­ۆو­لى­نا جانە ءسىزدىڭ باس­تاما­لارىڭىزدىڭ تابىس­تى جۇزە­گە اسىرىلۋىنىڭ كورى­نىسى­نە اينالعانىن باتىل ايتۋ­عا بولادى. بۇگىندە اس­تانا – شىعىستىڭ وزىق داس­تۇرلە­رى مەن باتىستىڭ سەرپىندى ۇدەرىس­تەرىن بويىنا سىڭىرگەن قالا.

ءسىزدىڭ جوعارى مەملەكەتتىك لاۋازىمداعى ۇزاق جىلعى قىزمەتىڭىز, ومىرلىك جانە كاسىبي تاجىريبەڭىز ءوز حال­قىڭىز بەن ەلدىڭ دامۋىنا باي­لانىس­تى قابىلدانعان سالماقتى, سا­ليقالى شە­شىمدەرگە نەگىز بولدى. ءسىز قا­زاق­ستان مەن رە­سەيدىڭ دوستىق قارىم-قاتى­ناستارىنىڭ دا­مۋىنا جانە تمد مەملە­كە­ت­تەرىمەن اراداعى بايلانىستى نىعايتۋعا زور ۇلەس قوستىڭىز. 

ءسىز ەكونوميكا جانە گۋما­ني­تارلىق سالادا قارىم-قاتى­ناس­تاردى تەرەڭدەتە ءتۇسۋ ماق­ساتىندا ەۋرازيالىق ەكونو­مي­كالىق وداقتىڭ قۇرىلۋى مەن قالىپتاسۋىنىڭ باستاۋىندا تۇردىڭىز. 

مەن وزىڭىزبەن ارامىز­دا­عى ۇزاق جىلداردان بەرى قا­لىپتاسقان تەرەڭ بايلانىستاردى جوعا­رى باعالايمىن. ءبىزدىڭ بىر­لەس­كەن جۇمىستارىمىزدىڭ ۇمى­تىلماس جىلدارىن اسقان جى­لى­لىقپەن ەسكە الىپ وتىرامىن. 

سىزگە, قۇرمەتتى نۇرسۇلتان ءابىش ۇلى, باقىت, زور دەنساۋلىق, جاۋاپتى مەملەكەتتىك قىز­مەت­تە تابىس تىلەيمىن جانە قا­­زاق­ستاننىڭ ءارى قارايعى ور­كەندەۋىنە تىلەكتەستىك بىل­دى­رەمىن. 

نيكولاي رىجكوۆ,  رەسەي فەدەرالدىق  جينالىسى فەدەراتسيا كەڭەسىنىڭ مۇشەسى, كسرو مينيسترلەر كەڭەسىنىڭ 1985-1991 جىلدارداعى توراعاسى