قىزىلوردا وبلىسى اكىمىنىڭ ورىنباسارى رۋسلان رۇستەموۆتىڭ قاتىسۋىمەن قازاقستان جازۋشىلار وداعىنىڭ وبلىستىق فيليالى مۇشەلەرىنىڭ باسقوسۋى ءوتتى.
ماجىلىستە فيليال ديرەكتورى قارشىعا ەسىمسەيىتوۆا قازاقستان جازۋشىلار وداعىندا وتكەن ءداستۇرلى ادەبي جىل قورىتىندىسىن ءسوز ەتىپ, كوتەرىلگەن ماسەلەلەرگە توقتالدى.
جازۋشىلار ءۇشىن جاعىمدى جاڭالىقتار بار ەكەن. ماسەلەن, جازۋشىلار وداعى قازاقستان كاسىپوداقتارى ورتالىق ۇيىمىمەن كەلىسىمگە قول قويىپ, زەينەت جاسىنداعى قالامگەرلەردىڭ ەلىمىزدىڭ دەمالىس ورىندارىندا جەڭىلدىكپەن دەمالۋىنا جول اشىپ وتىر. سونداي-اق, وداقتىڭ جۇمىسىن حالىقارالىق دەڭگەيگە كوتەرۋ جوسپارلانۋدا. وسىنداي جولمەن قازاق جازۋشىلارىنىڭ ەڭبەكتەرى وزگە تىلدەرگە اۋدارىلىپ, شەت ەلگە تانىستىرىلادى. جيىندا ءسوز العان وبلىس اكىمىنىڭ ورىنباسارى ايماقتا دا ادەبي شىعارمانىڭ كوركەمدىك ساپاسىن كوتەرۋدى, اعا بۋىن مەن كەيىنگى ۇرپاقتىڭ ساباقتاستىعى اراسىندا ادەبي بايلانىستى نىعايتۋ كەرەكتىگىن اتاپ ءوتتى.
باقتيار تايجان,
«ەگەمەن قازاقستان»
قىزىلوردا وبلىسى