اتىراۋلىق جاستار بالىق اۋلاپ جارىستى. وبلىس ورتالىعىنان جانە اۋدانداردان كەلگەن جاستار ەكى كۇن بويى سۋعا قارماق سالۋدىڭ قۇپيالارىن مەڭگەرىپ, سىنعا ءتۇستى.
الدىمەن ماماندار بالىق اۋلاۋ ەرەجەلەرى مەن قاۋىپسىزدىك شارالارىن ءتۇسىندىردى. جايىق جاعاسىنا ەرتەمەن جينالعان جاس بالىقشىلاردىڭ ءبارى دە ولجادان ءۇمىتتى. العاشقى بالىق دوسبول ءادىلوۆتىڭ قارماعىنا ءتۇستى. جارىستا قاتىسۋشىلاردىڭ قۇر قارماق سالىپ قاراپ وتىرماي, جەمدى دۇرىس تاڭداۋلارىنا, ەپتىلىكتەرىنە, اۋلاعان بالىقتارىنىڭ كولەمى مەن سالماعىنا دا نازار اۋدارىلدى. ناتيجەسىندە, ەڭ سالماعى اۋىر بالىق اۋلاعان جەتكىنشەك قۇلتەمىروۆ ءبىرىنشى ورىندى جەڭىپ الىپ, 80 مىڭ تەڭگە كولەمىندەگى سىياقىعا يە بولدى. اسىلبەك سىرىموۆ ەكىنشى, دوسبول ءادىلوۆ ءۇشىنشى جۇلدەنى يەلەندى. باسقا دا قاتىسۋشىلارعا ارنايى سىيلىقتار تابىستالدى.
– جاز مەزگىلىندە جاستاردىڭ بوس ۋاقىتتارىن ءتيىمدى پايدالانۋلارىنا ارناپ ءتۇرلى شارالار جوسپارلادىق, – دەيدى جارىستى ۇيىمداستىرۋشى, قالالىق جاستار رەسۋرستىق ورتالىعىنىڭ باسشىسى سەرىك قادىروۆ. – جايىق جاعاسىندا وسكەن جىگىتتەردىڭ بالىق اۋلاۋعا دەگەن قىزىعۋشىلىقتارى جوعارى. وسىنداي بايقاۋلار ارقىلى جاستار شىڭدالادى, جاڭا دوستار تابادى, تانىمدارىن كەڭەيتەدى. بالىقشىلار بايقاۋى الدا تاعى دا بولادى.
باقىتگۇل باباش,
«ەگەمەن قازاقستان»
اتىراۋ